• Йеңилиқлар
  • 24 Қыркүйек, 2020

Ана тилим – дана тилим

Ана тилимизниң риваҗлиниши билән тәрәққиятиға көп күч чиқириватқан инсанларниң бири – Зорәм Авутова десәк, ашуруп ейтқанлиқ әмәс. Униң гөдәклиримизниң ана тилимизға болған қизиқишини ашуруш вә уни үгинимән дегүчиләрни қоллап-қувәтләш мәхситидә Интернет торида «Ана тилим – дана тилим» намлиқ канални ачқанлиғи сөзүмизниң ярқин испатидур.

Мәшүр САСИҚОВ,
«Уйғур авази»

Йеқинда гәп болуватқан каналниң ечилғиниға бир жил толди. Тилимизниң сақлинип қелиши үчүн азду-тола хизмәт қилишни инсаний борч һесаплиған Зорәм Авутова рәһбәрлигидики канал коллективиниң хошаллиғини тәң бөлүшкән җумһурийәтлик Уйғур этномәдәнийәт мәркизиниң башқарма әзалири уларни «тәвәллуди» билән тәбрикләп қайтти. Җүмлидин, ҖУЭМ рәисиниң орунбасари Шәмшиқәмәр Абдурахманова, Ханим-қизлар кеңишиниң рәиси Сәнәм Беширова вә «Җанан» җәмийәтлик фондиниң рәиси Мизангүл Авамисимова вә башқилар ана тилимизға мунасивәтлик проблемиларни тәкитлигән һалда, шу йолда хизмәт қиливатқан инсанларға изгү тиләклирини ейтип, атиған соғилирини тапшурди. Әнди каналниң әң паалийәтчан иштиракчилирини ҖУЭМ тәрипидин тәсис қилинған «Әң яхши» медали билән тәғдирлиди.
Әлвәттә, бу йәрдә канал ечилғандин буян, униңға турақлиқ қатнишип келиватқан Розиләм Асимова, Кәрим Асимов, Рәпқәт Даулов, Райан Турсун, Ильдан Маратова, Алима Нариманова, Айнура Зунунова вә башқиму оқуғучилар бу күни бир жил давамида үгәнгән шеир-нахшилар билән һекайиләрни ана тилимизда ейтип, меһманларни чоңқур тәсиратқа бөлиди.
Зорәм Авутова каналниң дәсләпки туғулған күнини тәбрикләш мәхситидә ушбу чарә-тәдбирни уюштурған ҖУЭМ әзалириға миннәтдарлиқ билдүрди. У шундақла мошу җәриянда дайим өзини қоллап-қувәтләп, имканийтиниң яр беришичә қол учини сунуп келиватқан А.Розибақиев намидики 153-мәктәп-гимназияниң мудири, Алмута шәһәрлик мәслиһәтниң депутати Шавкәт Өмәровқа, Уйғур наһийәлик Уйғур этномәдәнийәт мәркизи Ханим-қизлар кеңиши рәисиниң орунбасари Патимәм Мирзалимқизиға, Талғир наһийәсиниң Қизил-Туғ йезисидики 24-оттура мәктәпниң башланғуч синип муәллими Бәхтинур Насироваға, каналниң сүпәтлик чиқиши үчүн фото-видеолар билән тәминләватқан Әркин Абдуваҗитовқа чәксиз миннәтдарлиғини изһар қилди.

83 рет

көрсетілді

0

пікір
Алдыңғы мақала Хәлиқ билән бирликтә
Келесі мақала Нәзәрдин сирт қалмиди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы