• Әхбаратлар еқими
  • 24 Қыркүйек, 2020

Тәрәққиятниң томури

Дөләт рәһбири Қасым-Жомарт Тоқаев «Қазақстан йеңи реалиқта: иш-һәрикәт вақти» намлиқ Мәктүбидә «Тәрәққий әткән йеза егилигисиз риқабәткә қабил ихтисатни вуҗутқа кәлтүрүш мүмкин әмәс» дәп әслитип өтти. Демәк, тәрәққиятимиз йәргә төкүлгән һәр тамчә тәрдин башлиниду дегән гәп. Һөкүмәткә аграр-санаәт комплексини тәрәққий әткүзүшниң һазирқи программисини тамамлап, тиҗарәт билән бирликтә аграр-санаәт комплексини тәрәққий әткүзүш бойичә бәш жилға бәлгүләнгән сүпәт җәһәттин йеңи миллий лайиһини ишләп чиқишни тапшурған Президент, өзимизни өзимиз озуқ-түлүк мәһсулатлири билән тәминләшниң вақти-саати йетип кәлгәнлигини қәйт қилиду.

Сабирәм ӘНВӘРОВА,
«Уйғур авази»

Шундақ. Һәқиқити шуки, йегән-ичкинимиз билән үстимизгә кийгән кийим-кечигимизниң тәңдин толиси чәт әлниң. Шуңлашқа, бирәр буюмдин «Қазақстанда ясалған» дегән товар бәлгүсини байқисақ, һәйран болумиз. Буниң асасий сәвәви, елимиздә чиқирилидиған товарлар көп әмәс. Биз оттуз жилдин буян асасән Хитай, Түркия, Қирғизстан, Өзбәкстандин кәлтүрилидиған кийимләрни кийип, шу әлләрдин кәлтүрүлидиған йемәк-ичмәк билән озуқлинип яшаватимиз. Бирақ бу «Қазақстанда һечнемә йоқ» дегән гәп әмәс. Бар. Пәқәт биз чәт әлни хамәшия билән тәминләп, кейин тәйяр мәһсулатни қиммитигә сетивалимиз. Йәни, өзимиз экспортлиған жуңни кейин чәт әлдин кийим шәклидә импортлап пайдилинимиз. Немишкә? Чүнки биздә завод-фабрикилар йетишмәйду. Дөләт рәһбири ейтқандәк, риқабәткә тақабил турушниң төвәнлиги вә чәттин кәлтүрүлгән мәһсулатниң көп болуши әйнә шуниңдин. Хош, шу бошлуқниң орнини толтириш мәхситидә бүгүнки күндә дөләт тәрипидин йеза егилиги саһасиға алаһидә көңүл бөлүнүп, зор мүмкинчиликләр яритиливатқанлиғи һәммимизгә мәлум.
Узун сөзниң қисқиси, чәт әлдин сетивелинидиған мәһсулатларни өзимиздә ишләпчиқириш һәм аграр-санаәт комплексиниң мәһсулатини экспортқа чиқириш үчүн елимиздики завод-фабрикиларниң қатарини көпәйтишимиз лазим.
Җүмлидин, Президентимизниң тапшурмилирини орунлап, дөләт программилирини әмәлгә ашурушқа Уйғур наһийәсиму өз үлүшини қошуп кәлмәктә. Сәвәви, дияримизниң асасий байлиғи – йәр билән мал. Бу йөнилиштә нәтиҗилик ишлар әмәлгә ешип, ихтисатниң яхшилинишиға иқбал қилмақта. Наһийәлик йеза егилиги бөлүминиң мутәхәссиси Реһимҗан Амаровниң ейтишичә, бийил наһийә бойичә 490 гектар йәргә күзлүк буғдай терилип, 980 тонна ашлиқ, 1790 гектар йәргә арпа терилип, униңдин 3222 тонна һосул елинса, 206 гектар бағ 3461 тонна мевә берипту.
Бүгүнки күнгә қәдәр наһийәдики 12054 гектар көмүқонақниң 1034 гектари жиғилип, һазирчә 7004 тонна дан тәйярлинипту. Әнди көктатқа кәлсәк, һазирқи пәйттә 1102 гектар көктатниң 912 гектари бесиқтурулуп болупту.
Елимиз ихтисадини риваҗландуруш йолида йеза егилиги саһасиға артилидиған үмүт чоң. Һә, шу үмүт учқуни аддий йеза адәмлириниң қолида!

75 рет

көрсетілді

0

пікір
Алдыңғы мақала Йолдаш үчүн күзниң һәр дәқиқиси ғенимәт
Келесі мақала Йезини йеңи өзгиришләр күтмәктә

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы