• Йеңилиқлар
  • 24 Қыркүйек, 2020

Рамзан Қадиров Қазақстанға миннәтдарлиқ билдүрди

Чечәнстан президенти Рамзан Қадиров чечәнләр вә қазақлар арисидики достлуқ һәққидә тәкитләп өтти.
«Чечәнләр билән қазақларниң достлуғи чечән хәлқи үчүн қийин бир пәйттә башланди. Сталин режими тәрипидин Қазақстан вә Оттура Азиягә паланған хәлиқ йоқап кетиш алдида еди. Қаттиқ мәнъий қилишларға қаримай, аддий қазақстанлиқлар чечәнләргә ярдәм қолини сунди. Нәқ мошу пәйттә қазақлар вә чечәнләр қериндаш болди, уларниң қериндашлиғи синақлар вә қийинчилиқлар билән күчәйди. Көп жиллар өтүп чечән йери йәнә қайғу-һәсрәт илкидә қалди, аддий хәлиқниң һаятини алған уруш қанлиқ вақиәләрни елип кәлди. Йәнә, илгәркидәкла, Қазақстан Чечәнстандин, уруштин һәм өлүмдин қачқан қачақларни қобул қилди.
Қазақстанниң Тунҗа Президенти Н.Назарбаев қачақларни қобул қилди, өй, медицинилиқ ярдәм, озуқ-түлүк билән тәминлиди. Чечәнстан Җумһурийитиниң тунҗа президенти, Россия қәһримани, өзи Қарағандида туғулған Ахмат-һаҗи Қадиров Қазақстан хәлқиниң қийин пәйттә көрсәткән ярдимини жуқури баһалиди. У чечәнләр буни һеч қачан унтимайду дәйдиған...
Әйнә шу қийин заманлар арқимизда қалди, Чечәнстан Җумһурийити Россиядики гөзәл вә гүлләнгән регионларниң биригә айланди.Чечәнстан Җумһурийити рәһбәрлириниң Қазақстанниң һазирқи Президенти Қ.Тоқаев билән әнъәнивий достлуқ мунасивәтлири қелиплашти. Чечәнстан Җумһурийити билән Қазақстанниң ихтисадий вә мәдәний алақилири күчәймәктә. Елимизда Қазақстанда яшаватқан чечәнләргә болған мунасивәтни билиду һәм баһалайду...
Уларда тилини, мәдәнийитини сақлап, риваҗландурушқа вә тәрәққий әткүзүшкә барлиқ имканийәт бар. Ахмат-Һаҗи Қадиров туғулуп өскән җайда орнитилған ядикарлиқ үчүн алаһидә тәшәккүр изһар қилимиз. Чечәнләрдә: “Әгәр сән қазақ учратсаң, демәк, сән қериндишиңни учраттиң» дегән гәп бар...
Чечән вә қазақ хәлиқлири арисидики достлуқ вә қериндашлиқ күчәйсун һәм гүлләнсун»,– дәп йезилған Р.Қадировниң постида.

48 рет

көрсетілді

0

пікір
Алдыңғы мақала Омск шәһиридә Кемел Тоқаевқа беғишланған мемориал тахта орнитилди
Келесі мақала «Болашақ»: йеңи тизим елан қилинди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы