• Йеңилиқлар
  • 24 Қыркүйек, 2020

Қазақстанлиқ разимәнликниң үлгиси

 Қазақстан хәлқи Ассамблеяси Рәисиниң орунбасари – Кативат рәһбири Жансеит Түймебаев Москва шәһиридә өткән Евразия хәлиқлириАссамблеясиниң Хәлиқара течлиқ күнигә беғишланған онлайн-акциясиға қатнашти.
Акция течлиқ билән разимәнликни сақлаш саһасидики муһим мәсилиләрни муһакимә қилишқа беғишланди.
Өзиниң киришмә сөзидә Ж.Түймебаев мундақ деди: «Бүгүнки таңда барлиқ дөләтләр пандемиягә вә ихтисадий өсүмниң астилишиға мунасивәтлик қийин дәвирни баштин кәчүрүватиду. Мошуниң һәммиси иҗтимаий мәсилиләрниң җиддийлишишиға, айрим әһвалларда болса, ксенофобия, этноконфессиялик тоқунушларниң көпийишигә тәсир қилидиғини һәммимизгә мәлум. Мәдәнийәтләр билән қәдрийәтләрниң жирақлишишиниң, мигрантофобия вә ирқий камситишниң өсүши, өзара маслишиш җәрияниниң қийинчилиқлири утуқлуқ жүргүзүлгән этномодельларниң ХХІ әсирдә бәзидә ишлимәй қалидиғанлиғини көрсәтти. Әксичә, дуния илгәркидәк һазирқи әһвал тәләплиригә мувапиқ келидиған, бирликниң йеңи формулилирини тәйярлаш җәриянида болуватиду. Шуңлашқа бирликни тәминләш вәзиписи барлиқ дөләтләрниң күн тәртивидә қаливериду”.
ҚХА Рәисиниң орунбасари өз сөзидә Қазақстан һәмкарлиққа асас болған дөләт екәнлигини тәкитлиди: «Дунияниң 60тин ошуқ дөлити билән региони бизниң этнослиримизниң тарихий вәтини болуп һесаплиниду. Қанун алдидики тәңлик, җәмийәтлик разимәнлик, «һәрхиллиқтики бирлик» қаидиси бизниң бебаһа байлиғимиз вә стратегиялик ресурсимизға айланди.
1995-жили Тунҗа Президент Н.Ә.Назарбаев тәшәббуси билән қурулған Қазақстан хәлқи Ассамблеяси этносара һәрикәтниң асасий институтиға айланди. 25 жил илгири Ассамблея 40қа йеқин этномәдәний бирләшмини бириктүрсә, бүгүнки таңда мошундақ тәшкилатлар сани миңдин ашти. Мәмликәт территориясида өмлүк вә разимәнликниң гражданлиқ мәркәзлиригә айланған қириқтин ошуқ Достлуқ өйлири бар.
Бизниң интеграциялик модель, биринчи новәттә, умумий қәдрийәтләр, этносларниң тиллири, мәдәнийити, әнъәнилири бизниң умумий мәдәний байлиғимизни тәшкил қилиду вә у мәмликәтниң умумий мәдәний кәңлиги болуп һесаплиниду”.
Әнҗуман ишиға шундақла, тонулған җәмийәт вә пән әрбаплири, ЮНЕСКО, БМТ вә башқиму хәлиқара тәшкилатларниң һәм Россия дипломатиялик миссиялириниң вәкиллири қатнашти.

62 рет

көрсетілді

0

пікір
Алдыңғы мақала «Болашақ»: йеңи тизим елан қилинди
Келесі мақала Коррупциягә қарши күрәшкә сүръәт бериду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы