• Асасий мақалилар
  • 24 Қыркүйек, 2020

БМТ – дуния хәлиқлирини умумий мәхсәткә бириктүргән тәшкилат

Қасым-Жомарт Тоқаев БМТ Баш Ассамблеясиниң тәвәллудлуқ сессияси даирисидә Бирләшкән Милләтләр Тәшкилатиниң 75 жиллиғиға беғишланған Алий дәриҗидики чарә-тәдбирдә видеомураҗиәт елан қилди. Мәзкүр чарә-тәдбир таҗсиман вируси пандемиясигә мунасивәтлик онлайн-режимда өтти, дәп хәвәрлиди Президентниң мәтбуат хизмити.

Дөләт рәһбири өз сөзини БМТниң сабиқ Баш кативи Даг Хаммаршельдниң: «Бирләшкән Милләтләр Тәшкилати бизни җәннәткә елип кириш үчүн әмәс, дозақтин қутулдуруш үчүн қурулған» дегән қанатлиқ сөзи билән башлиди.
Президентниң ейтишичә, дәсләп бу тәшкилат коллективлиқ бехәтәрликни тәминләш системиси сүпитидә қурулғини билән, әмәлиятта дуния хәлиқлирини умумий мәхсәтлири вә қаидилири әтрапида бириктүрди. Қелиплашқан паалийәтчан һәм кәң даирилик хәлиқара һәмкарлиқниң дәври – шуниң дәлили.
Дөләт рәһбири бүгүнки күнниң дуниявий ховуп-хәтәрләргә тәшвишини изһар қилди. Атап ейтқанда, мультилатерализм қаидилиригә кәлгән ховупларға, таҗсиман вируси пандемиясини тохтитишниң қийинлиғи, аммивий қураллинишниң йеңи риқабитигә мунасивәтлик ховупқа, тәрәққиятниң стратегиялик мәхсәтләргә йетиштики һәрхил утуқларға көңүл бөлди. Шундақла Президент БМТ Низамнамисида бәкитилгән мәхсәтләр нәтиҗидар әмәс дегән пикирләргә өз көзқаришини билдүрди.
– Мән өз елимниң Президенти вә БМТниң сабиқ алий лавазимлиқ шәхси сүпитидә бу көзқараш билән келишмәймән. Мошуниңға қаримастин, биз үмүт отини өчәрмәй, уни қайта яндуруп, униңға қол йәткүзүш үчүн күч-ғәйритимизгә йеңи сүръәт беришимиз һаҗәт, анархияға йол бәрмәй, хәлиқара һоқуққа асасланған җәмийәт қурушни давамлаштуришимиз лазим,– деди Қазақстан Президенти.
Қасым-Жомарт Тоқаев алдимиздики онжиллиқта 2030-жилғичә беғишланған турақлиқ тәрәққий етишниң күн тәртивини әмәлгә ашуруш үчүн бирлишишниң муһим екәнлигини тәкитлиди. Президентниң ейтишичә, мошу кәң-даирилик мәхсәтләргә қол йәткүзүш үчүн күч-ғәйрәтни бириктүрүп, умумий җавапкәрликни ашуруш лазим.
Дөләт рәһбири БМТ Баш кативи Антониу Гутерришниң ишәшлик рәһбәрлик паалийитигә миннәтдарлиғини изһар қилип, униң дуниявий тәшкилатниң нәтиҗидарлиғини, ашкарилиғини вә ениқлиғини ашурушқа қаритилған иш-һәрикәтлирини қоллиди.
– Қазақстан БМТниң миссияси билән Низамнамисигә садиқ болиду. Шуниң билән биллә елимиз турақлиқ, адаләтлик вә тәрәққий әткән дуния қуруш йолидики умумий вәзипини әмәлгә ашурушқа қатнишиду,– деди Президент.
Сөзиниң ахирида Қасым-Жомарт Тоқаев БМТни һәқиқий мәнада, бирдин-бир һәм альтернативиси йоқ хәлиқара вакләтлик тәшкилат дәп һесаплайдиғанлиғини билдүрди.

63 рет

көрсетілді

0

пікір
Алдыңғы мақала Дөләт рәһбири Қасым-Жомарт Тоқаевниң БМТниң 75 жиллиғиға беғишланған Алий дәриҗидики чарә-тәдбирдә сөзлигән сөзи
Келесі мақала Елимиз үчүн муһим шәһәр

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы