• Йеңилиқлар
• 15 Қазан, 2020

Завод декабрьда ишқа қошулиду

Мәркизий коммуникацияләр хизмитидә өткән мәтбуат конференциядә Саламәтликни сақлаш министри Алексей Цой биологиялик бехәтәрлик мәсилилири илмий-тәтқиқат институти йенидики вакциниларни ишләп чиқиридиған биофармацевтикилиқ завод қурулуши 2020-жили декабрьда аяқлишидиғанлиғини тәкитлиди.
– Һазир бу йәрдә қурулуш ишлири сүръәтлик жүргүзүлүватиду. Пән вә билим министрлиги бу иш билән шуғулланмақта. Алдин-ала тәхминләр бойичә, завод декабрьда ишқа қошулуши керәк. Қурулуш ишлириниң өз вақтида аяқлишидиғанлиғиға ишәнчимиз камил, – деди А.Цой.
Тәкитләш лазимки, мәзкүр завод Жамбул вилайити Қордай наһийәсиниң Гвардейский йезисида селиниватиду. Завод қурулуш 2020-жили июнь ейида башланған. Бу йәрдә хәлиқара стандартларға мувапиқ иммунобиологиялик дора-дәрмәкләр, шуниң ичидә таҗсиман вирусқа қарши вакцина чиқирилиду.