• Йеңилиқлар
  • 15 Қазан, 2020

Ишәнгән намзатларға аваз бәрди

Nur Otan партиясиниң праймеризи нәтиҗиси бойичә Уйғур наһийәсидин вилайәтлик мәслиһәткә — үч, наһийәтлик мәслиһәткә қириқ йәттә намзат көрситилип, 1 — 4-октябрь күнлири партия әзалири тәрипидин праймериз намзатлириға аваз бериш басқучи аяқлашти. Тәкитләш керәкки, праймеризға қатнашқан намзатлар хелила көп болди. Партия әзалири «хәлиқниң үмүтини ақлайду» дәп ишәнгән намзатларға аваз бәрди. Әлвәттә, әң көп аваз топлаш — депутат болуш дегән гәп әмәс. Сәвәви, намзатлар депутатлиққа праймеризниң барлиқ тәләп-қаидилиригә лайиқ таллавелиниду. Демәк, алда техи һәл қилғучи басқуч бар.

Сабирәм ӘНВӘРОВА,
«Уйғур авази»

Җүмлидин бүгүнки күнгә қәдәр партия тәрипидин аз иш атқурулмиди. Намзатлар билән бирликтә Nur Otan партияси наһийәлик шөбисиниң мутәхәссислири бир йәңдин қол, бир яқидин баш чиқирип, зор җавапкәрлик билән иш елип барди. Шуниңға бенаән, Nur Otan партияси Уйғур наһийәлик шөбисиниң рәиси Шөһрәт Нурахунов наһийәлик Мәдәнийәт өйидә намзатлар билән праймеризға ат селишқан барлиқ мутәхәссисләрни рәғбәтләндүрди. Уларға өзиниң һәм Nur Otan партияси вилайәтлик шөбисиниң рәиси Амандық Батталовниң Тәшәккүрнамисини тапшурди. Шөһрәт Турдахуноғли тәнтәнилик мәрасимдин кейин аваз беришниң адил өткәнлигини ейтип, партиягә әмгиги сиңгән шәхсләргә миннәтдарлиқ билдүрди. Өз новитидә сөз алған Nur Otan партияси наһийәлик шөбиси рәисиниң биринчи орунбасари Мәулен Нуров мукапат егилирини тәбрикләп, иллиқ тиләклирини изһар қилди.

 

121 рет

көрсетілді

0

пікір
Алдыңғы мақала Күзлүк тәтилдә нәччә күн дәм алидиғанлиғи мәлум болди
Келесі мақала Әдип роһиға тазим

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы