- Йеңилиқлар
- 15 Қазан, 2020
Онлайн-аваз бериш имканийити қараштурулуватиду
Қазақстанда Парламент Мәҗлисигә сайлам пәйтидә, таҗсиман вируси пандемиясигә мунасивәтлик онлайн-аваз бериш имканийити қараштурулуватиду. Бу һәққидә Саламәтликни сақлаш министри Алексей Цой хәвәр қилди. У шундақла сайламни өткүзүш шәклини уюштуруш өзи башқуруватқан мәһкиминиң салаһийитигә кирмәйдиғанлиғини алаһидә тәкитлиди.
«Һазир эпидемиялик әһвалға бағлиқ һәрхил шәкилләр қараштурулмақта. Бизниң мәхситимиз – қандақ шәкилдә өтүшидин қәтъий нәзәр, сайламда бехәтәрликни тәминләш. Биз үчүн барлиқ санитарлиқ-эпидемиялик нормиларниң сақлиниши муһим», деди А.Цой мәркизий коммуникацияләр хизмитидә өткән мәтбуат конференциядә.
«Медицинилик көрсәткүчләр бойичә онлайн-аваз бериш имканийити қараштурулуватамду?» дәп сориди журналистлар мәтбуат конференциясидә министрдин.
«Биз һәм онлайн-аваз бериш, һәм беваситә участкиға берип аваз бериш имканийәтлирини қараштуруватимиз. Биздә, һәрқандақ шараиттин қәтъий нәзәр, умумий қаидиләр қобул қилинған. Әгәр адәмләр көп топланса, демәк, жирақлиқни сақлаш, пәләйләр вә медицинилиқ ниқаплар кийиш, дезинфекцияләш васитилирини пайдилиниш әмәлгә ашурулуши шәрт. Бу адәттики шәртләр. Сайламни қандақ шәкилдә өткүзүш бизниң салаһийитимизгә кирмәйду. Биз пәқәт бехәтәрлик үчүн җавап беримиз. Сайламни өткүзүш үчүн һаҗәт болған барлиқ чарә-тәдбирләрни тәминләймиз », деди А.Цой.
509 рет
көрсетілді0
пікір