- Йеңилиқлар
- 15 Қазан, 2020
Сода системисини трансформацияләш җәрияни һәққидә һесават берилди
Қазақстанниң Тунҗа Президенти — Елбасы, Алий Евразиялик ихтисадий кеңәшниң пәхрий рәиси Нурсултан Назарбаев Сода вә интеграция министри Бақыт Султановни қобул қилди, дәп хәвәрлиди Елбасыниң мәтбуат хизмити.
Учришишта Қазақстанниң Тунҗа Президентиға сода системисини трансформацияләш вә келәчәктә тәрәққий әткүзүш бойичә мәһкимә хизмитиниң асасий йөнилишлири тоғрилиқ әхбарат берилди.
Б.Султановниң әхбаритиға мувапиқ, Сода вә интеграция министрлиги нәтиҗидар көпшәкиллик сода-логистикилиқ инфрақурулумни қелиплаштуруш йөнилишидә ишләватиду. Униң тәркивигә Миллий товар өткүзүш системиси вә регионлуқ хаблар — «Орталық Азия» хәлиқара сода-ихтисадий һәмкарлиқ мәркизи, «Қорғас» чегара әтрапи һәмкарлиғи хәлиқара мәркизи вә «Евразия» сода-индустриялик мәркизи кириду.
Шуниң билән биллә министр Евразиялик ихтисадий иттипақта содини тәртипкә кәлтүрүш вә 16 тосалғуни йоқитиш бойичә жүргүзүлгән ишлар һәққидә һесават бәрди.
495 рет
көрсетілді0
пікір