• Йеңилиқлар
• 22 Қазан, 2020

Икки адәм туридиған йезида карантин елан қилинди

Италияниң Нортоше йезисида яшанған иккила адәм яшайдекән. Шуниңға қаримай, бу йәрдиму қаттиқ карантин елан қилинди. Буниңдин кейин яшанғанлар ниқап тақап, кам дегәндә бир метрлиқ дистанция сақлайдиған болиду.
82 яшлиқ Джованни Карилли журналистларға бәргән сөһбәтлириниң биридә таҗсиман вирустин бәк қорқидиғанлиғини ейтқан. Чүнки у ағрип йетип қалса, әтрапта униңға қарайдиған бирму тирик җан йоқ. Униң 74 яшлиқ хошниси Джампьеро Нобили пүткүл әлдә елан қилинған карантинниң уларниң йезисиға келиши тәбиий нәрсә екәнлигини ейтқан. Һәр иккилиси пенсия алиду. Шундақла улар жирақ туққанлардин екән. Карилли қой беқип, үзүм өстүридекән. Нобили болса, қолһүнәрвәнчилик билән шуғуллиниду.
Илгири Нортошеда көп адәм яшиған көрүниду. Өткән әсирниң 90-жиллири қаттиқ йәр тәврәп, турғунларниң көпчилиги Рим вә башқа шәһәрләргә көчүп кәткән. Ахирқи вақитларда мошу икки киши, қойлири вә иштлири биләнла қапту. Бәзидә қериндашлирини йоқлаш үчүн уларғиму йезини вақитлиқ ташлашқа тоғра келиду.