• Йеңилиқлар
• 22 Қазан, 2020

Барлиқ иш вәзийәткә бағлиқ

Регионлардики тиҗарәтчилик субъектлириниң паалийити мәзкүр җайдики эпидемиологиялик вәзийәтниң турақлиғиға бағлиқ пәйдин-пәй әслигә кәлтүрүлиду. Һазирқи күндә Шәрқий Қазақстан вилайитидин ташқири барлиқ регионлар “йешил” зона даирисидә.
Йеқинда Қазақстан Җумһурийитидә таҗсиман вирусниң тарқилишиға йол қоймаслиқ бойичә идариләрара комиссияниң мәҗлисидә шу һәқтә мәлум болди. Вәзийәт турақлиқ регионлардики кинотеатрлар вә сода-көңүл ечиш мәркәзлири ишләшкә башлайду.
24-октябрьдин тартип “йешил” зониларда сода-көңүл ечиш мәркәзлири, сода өйлири, йепиқ базарлар паалийитини қайта башлайду. 26-октябрьдин тартип кинотеатрларму паалийитини башлайду. Лекин униңға келидиған тамашибинларниң сани 30 пайиздин ашмаслиғи вә уларниң иҗтимаий арилиқни һәм ниқап тақаш режимиға җиддий әмәл қилиши шәрт.
Шәрқий Қазақстан вилайитидә күчкә егә карантин чарилири һәм уларға риайә қилиш назарити толуқ сақлиниватиду. ­