• Йеңилиқлар
  • 22 Қазан, 2020

Дуния цивилизациясиниң улуқ мутәпәккүри

Қазақстан Җумһурийитиниң дөләт кативи Қырымбек Көшербаев Абу Насир әл-Фарабиниң 1150 жиллиғиға беғишланған «Ипәк йолидики цивилизацияләр аһаңдашлиғи» хәлиқара форумиға қатнашти.
Дөләт кативи форумни ечип, бийилқи жилниң мустәқил Қазақстан вә пүткүл түрк дунияси үчүн алаһидә жил екәнлигини, чүнки бирнәччә муһим юбилейлиқ сәнәләрниң – улуқ Абайниң 175 жиллиғи, даһиянә мутәпәккүр, философ Абу Насир әл-Фарабиниң 1150 жиллиғи, Улуқ улус Алтун Ординиң 750 жиллиғи, бийил МДҺниң мәдәний пайтәхти болған Чимкәнтниң 2200 жиллиғи нишанлиниватқанлиғини тәкитлиди.
– Пурсәттин пайдилинип, биз өткүзүватқан чарә-тәдбирләрни диққәтчанлиқ билән байқап-күзитиватқан вә тегишлик ярдимини қиливатқан барлиқ хәлиқара тәшкилатларға, чәтәллик шерикләргә, достларға миннәтдарлиқ билдүримиз, – дәп тәкитлиди Қырымбек Көшербаев.
Өсүватқан әвлат үчүн мундақ лайиһиләр наһайити муһим. Җүмлидин дөләт кативиниң сөзичә, бийилқи юбилейлиқ жилда жутдишимиз, улуқ мутәпәккүр әл-Фарабиниң мирасини, униң дуния цивилизацияси тарихидики ролини ениқлаш, миллий байлиқ сүпитидә илгирилитиш бойичә чоң иш әмәлгә ашурулди.
– Бүгүнки таңда әл-Фараби пикирлириниң актуаллиғи яңливаштин өсмәктә. Юбилейлиқ жил Қазақстанға вә пүткүл дунияға инсанийәт үчүн әл-Фараби мирасини йеңичә ечиш вә әһмийитини чүшиниш имканийитини бәрди. Әлвәттә, улуқ мутәпәккүр мирасини аммибаплаштуруш йөнилишидики бийилқи утуқлар йеңи илмий лайиһиләргә йол ачиду, – деди Қырымбек Көшербаев.
Мәзкүр форумни Қазақстан Җумһурийитиниң ЮНЕСКО вә ИСЕСКО бойичә Миллий комиссиясиниң, шундақла Иран Ислам Җумһурийитиниң ЮНЕСКО ишлири бойичә Миллий комиссиясиниң қоллап-қувәтлиши билән Хәлиқара Түрк академияси уюштурди.
Униңға дунияниң 30 мәмликитидин фарабишунас алимлар, бирқатар хәлиқара тәшкилатларниң рәһбәрлири, җәмийәт вә дөләт әрбаплири, дипломатлар қатнашти. Форум иши алтә тилға синхронлуқ тәрҗимә қилинип жүргүзүлди вә иҗтимаий тармақларда уттур көрситилди.
Улуқ мутәпәккүрниң 1150 жиллиғиға беғишланған хәлиқара әнҗуманда Иран Ислам Җумһурийитиниң пән, тәтқиқатлар вә технологияләр министри Мәнсүр Гөләми, Ислам һәмкарлиқ тәшкилатиниң Пән-техникилиқ һәмкарлиқ бойичә турақлиқ комитетиниң мудири Муһәммәд Иқбал Чаудари, Түркия Җумһурийити Президентиниң баш мәслиһәтчиси Ялчын Топчу вә башқилар сөзгә чиқип, Абу Насир әл-Фарабиниң дуния цивилизациясигә қошқан һәссиси, униң мирасиниң әһмийити һәққидә пикирлири билән ортақлашти.
Андин кейин форум икки секциядә – «Ипәк йолидики цивилизация», «Әл-Фараби философияси вә һазирқи дуния» секциялиридә давамлашти. Уларға ТҮРКСОЙниң баш кативи Дүйсен Қасейинов, IICAS Мәркизиниң мудири Дмитрий Воякин, Иран Пәнләр академиясиниң президенти Реза Давари Ардакани, шундақла Мисир, Түркия, Өзбәкстан, Қирғизстан, Таҗикстан, Грекия вә Финляндия алимлири қатнишип, сөзгә чиқти.

489 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы