• Йеңилиқлар
• 22 Қазан, 2020

Таҗсиман вирусниң иккинчи долқуниға тәйярлиқ көрүватиду

Қазақстан Җумһурийитиниң саламәтликни сақлаш министри Алексей Цой дора-дәрмәк васитилириниң запасини шәкилләндүрүш планида COVID-19ниң еһтимал иккинчи долқуниға қарши көрүлүватқан чариләр һәққидә ейтип бәрди.
“Күз-қиш мәвсүмидә таҗсиман вирусниң еһтимал йеңи долқуниға тәйярлиқ көрүш мәхситидә бирқатар чариләр көрүлди. Биринчиси, бу ­­– амбарларда икки айға бемалал йетидиған дора-дәрмәк запасини топлаш. 8,2 миллиард тәңгилик COVID-19ға қарши тапчил һәм жуқури тәләпкә егә дора-дәрмәкләрниң 44 түри сетивелинди. Бу 60 миңға йеқин бемарни бир ай давамида стационарларда давалашқа йетиду”, деди Алексей Цой Һөкүмәтниң мәҗлисидә.
Униң сөзичә, COVID-19 бойичә дора-дәрмәк васитилириниң икки айлиқ запаси умумий дистрибьюторниң амбарлирида сақлиниду.
“Үстимиздики жилниң 15-октябриға қәдәр 5,92 миллиард тәңгилик дора-дәрмәкниң 37 түри сетивелинди. Бу херидарларниң еһтияҗини хелә нурғун миқдарда қанаәтләндүриду”, дәп тәкитлиди министр.
Министр шундақла медицина тәшкилатлирини дора-дәрмәк запаслири билән тәминләш һәққидиму ейтип өтти.
«Регионлар пандемия дәвридин тартип COVID-19 бойичә қошумчә 16,6 миллиард тәңгилик дора-дәрмәк васитилиригә болған еһтияҗ COVID-19 бойичә қошумчә 16,6 миллиард тәңгилик дора-дәрмәк васитилиригә болған еһтияҗини билдүрди. 2020-жилниң 22-июлидин тартип умумий дистрибьютор тәрипидин җумһурийәтниң барлиқ медицина тәшкилатлирида, инфекциялик вә провизорлуқ мәркәзләрдә бир айға йетидиған дора-дәрмәк запасини топлаш қарари қобул қилинди. Запас­­ турақлиқ дәриҗидә толуқтурулуп туриду. Мәсилән, бүгүнки күнгә қәдәр умумий дистрибьютор 17,9 миллиард тәңгилик дора-дәрмәк васитилириниң 91 түрини сетивалди. Мәзкүр чарә медицина тәшкилатлириниң җиддий қошумчә еһтияҗини қанаәтләндүрүшкә, COVID-19 бойичә стационарларни дора-дәрмәк васитилири билән толуқ тәминләшкә, уларда резервларни қурушқа имканийәт яратти», дәп йәкүнлиди сөзини саламәтликни сақлаш министри.