- Йеңилиқлар
- 29 Қазан, 2020
Экожурналистлар тәйярлиниду
Қазақстан Җумһурийитиниң әхбарат вә җәмийәтлик тәрәққият министри Аида Балаева министрлик әл-Фараби намидики Қазақ миллий университети вә Қазақстан Җумһурийитиниң Экология, геология вә тәбиәт ресурслири министрлиги оттурисидики Өзара чүшәнчә һәм һәмкарлиқ тоғрилиқ меморандум имзалиди.
Меморандум экология саһасида ихтисаслаштурулған журналистларни тәйярлаш мәсилилиридә һәмкарлиқ жүргүзүшни көздә тутиду. Тәрәпләрниң һәрбири өз вакаләтлири даирисидә кәлгүси экожурналистларниң кәспий салаһийитини ашурушқа ярдәм қилиду. Мәзкүр келишимниң актуаллиғи җәмийәттә экология мәсилилиригә болған чоң қизиқиш вә саһада нәтиҗидарлиқ әхбарат-чүшәндүрүш ишлирини жүргүзүшниң зөрүр екәнлиги билән чүшәндүрүлиду.
Меморандум даирисидә бирқатар чарә-тәдбирләр, җүмлидин билим программилирини мукәммәлләштүрүш, студентларниң кәспий тәҗрибисини ашуруш вә стажировкилирини уюштуруш планланди.
Саһалиқ журналистикини тәрәққий әткүзүш – Әхбарат вә җәмийәтлик тәрәққият министрлиги ишиниң турақлиқ йөнилишлириниң бири. Илгири идарә медицина вә диний саһаларда ихтисаслаштурулған журналистларни тәйярлаш үчүн Л.Н. Гумилев намидики ЕМУ билән өзара чүшәнчә вә һәмкарлиқ тоғрилиқ икки меморандум имзалиған еди.
505 рет
көрсетілді0
пікір