• Йеңилиқлар
  • 29 Қазан, 2020

Алий кеңәшниң биринчи мәҗлиси

Ақордида Президент Қасым-Жомарт Тоқаевниң рәислигидә Ислаһатлар бойичә алий кеңәшниң биринчи мәҗлиси болуп өтти.
Мәҗлистә Ислаһатлар бойичә алий кеңәш әзалири: Президент мәслиһәтчиси – Ислаһатлар бойичә алий кеңәш рәисиниң орунбасари Сума Чакрабарти, Премьер-министр Асқар Мамин, Стратегиялик планлаш вә исаһатлар бойичә агентлиқниң рәиси Қайрат Келимбетов, шундақла чәтәллик экспертлар Андрес Веласко, Френсис Мод вә Филлип Хаммонд сөзгә чиқти.
Дөләт рәһбири өз нутқида мәмликәт гражданлириниң новаторлуқ яндишишларни вә йеңи қарарларни күтүватқанлиғини, уларни ишләп чиқишта Ислаһатлар бойичә алий кеңәшниң асасий роль ойниши керәклигини тәкитлиди.
Қасым-Жомарт Тоқаев Кеңәшниң миллий ихтисатниң риқабәткә тақабиллиғини күчәйтишкә вә аһалиниң паравәнлигини ашурушқа мунасивәтлик наһайити мурәккәп мәсилиләр бойичә қарарларни қобул қилидиғанлиғини тәкитлиди.
Президент Кеңәш паалийитиниң башқа консультатив-мәслиһәт органлириниң паалийитидин түп-асасидин пәриқлиниши керәклигини тәкитләп, моҗут проблемилар вә вәзипиләр тоғрилиқ очуқ ейтишниң зөрүр екәнлигини билдүрди.
– Фактларни тәкитләп, қелиплашқан әһвални тәрипләп қоюш биләнла чәклинишкә болмайду. Муһими – өз вақтида зөрүр қарарларни қобул қилиш. Бу Кеңәш илгири тәйярлинип, кейин тәкшүрүп кәлгәндә ишлимәйдиған болуп чиқидиған тәклипләрни мақуллиши керәк, дегәнни билдүрмәйду. Кеңәш идариләрара узақ вақитлиқ даваларға үзүл-кесил чекит қоюши лазим. Кеңәшниң вәзиписи – миллий ихтисатни башқурушқа, җәмийәтлик тәрәққиятқа, институтлуқ ислаһатларға йеңи нишан бериш. Әлвәттә, еқимдики ишниң кетип беришини назарәт қилиш, – дәп тәкитлиди Қасым-Жомарт Тоқаев.
Дөләт рәһбири Кеңәшниң новәттики мәҗлисидә дөләт планлаш системисиға йеңи яндишишларни қарап чиқип, мошу мәсилә бойичә қарар қобул қилишни тәклип қилди.
– Биз дөләтниң һәрбир саһадики тәрәққиятиниң мәхсәтлири билән басқучлирини ениқлайдиған программилиқ һөҗәтләрни ишләп чиқишимиз керәк. Система бюджетни планлаш билән бағлаштурулуп, қоюлған вәзипиләрниң орунлиниши үчүн дөләт органлири рәһбәрлириниң беваситә җавапкәр екәнлигини бәлгүләйду. Алий кеңәш қарарлириниң орунлинишини, миллий лайиһиләрниң әмәлгә ашурулушини, ислаһатларни миқияслиқ башқуруш принциплириниң җарий қилинишини тәминләш муһим. Һазирқи басқучта бу Стратегиялик планлаш вә ислаһатлар бойичә агентлиқниң асасий вәзиписи, – деди Қазақстан Президенти.
Қасым-Жомарт Тоқаев шундақла оттура муддәтлик истиқбалға бәлгүләнгән иш-һәрикәтләрниң асаси болуши керәк болған мәмликәтниң 2025-жилғичә бәлгүләнгән Стратегиялик тәрәққият планиға диққәт ағдуруп, мәзкүр һөҗҗәттә тәрәққиятниң йеңи йөнилишиниң бәлгүлинидиғанлиғини қошумчә қилди.
Дөләт рәһбири Һөкүмәтниң стратегиялик планниң алдин-ала тәхминини ишләп чиққанлиғини, әнди уни Стратегиялик планлаш вә ислаһатлар бойичә агентлиқ билән бирликтә қошумчә ишләш вә Алий кеңәш әзалири билән муһакимә қилиш керәклигини, униң үзүл-кесил вариантини болса, новәттики мәҗлистә Премьер-министрниң тәвсийә қилидиғанлиғини атап көрсәтти.
Қасым-Жомарт Тоқаев болупму идарә статистикисиға тәәллуқ дәсләпки мәлуматлар сүпитиниң проблемилиқ екәнлигини атап көрсәтти. Комитетниң Стратегиялик планлаш вә ислаһатлар бойичә агентлиқниң башқурушиға берилиши мошу саһадики әһвалниң яхшилинишиға ярдәм қилиши керәк.
Дөләт рәһбири Стратегиялик планлаш вә ислаһатлар бойичә агентлиққа Рәқәмлик тәрәққият министрлиги билән бирликтә пухта ишләп, әһвални қәтъий яхшилаш үчүн ениқ тәклипләрни беришни тапшурди.
Қасым-Жомарт Тоқаев мәҗлис давамида, шундақла «хәлиқ авазиға қулақ салидиған дөләт» нуқтәий нәзәридин һөкүмәтлик әмәс тәшкилатлар вә айрим гражданлардин келип чүшидиған мустәқил пикирләрниму етиварға елиш лазимлиғини әслитип өтти.
Қазақстан Президенти Кеңәш даирисидә ислаһатларниң һәрбир асасий йөнилиши бойичә алтә иш топини қуруш тәкливини берип, уларниң тәркивигә Кеңәш әзалиридин ташқири, лавазимлиқ шәхсләрниң, җәмийәтлик тәшкилатлар вәкиллириниң, хәлиқара вә елимизниң мустәқил экспертлириниң кирәләйдиғанлиғини тәкитлиди.
Сума Чакрабарти рәһбәрлигидики биринчи топ ахча-несийә вә бюджет сәяситиниң, селиқ сәяситиниң нәтиҗидарлиғи, малийә секториниң турақлиқлиғи охшаш вәзипиләрни һесапқа елиши керәк болған нәтиҗидарлиқ макроихтисадий сәясәтни ишләп чиқиш билән шуғуллиниши лазим.
Президент Мәмурийитиниң рәһбири Ерлан Қошанов рәһбәрлигидики иккинчи топ сот вә һоқуқ қоғдаш системисини ислаһат қилиш мәсилилирини ишләп чиқиду. Дөләт рәһбири бу йөнилиштә нурғун иш көләмини әмәлгә ашурушқа тоғра келиду вә әһвални бояп көрситиш биләнла чәклинишкә болмайду, дәп һесаплайду.
Иҗтимаий саһани йеңилаш билән айрим топ бәнт болиду. Қасым-Жомарт Тоқаев өзиниң тапшурмиси билән Қазақстан үчүн тамамән йеңи һөҗҗәт – Иҗтимаий кодекс ишлиниватқинлиғини әслитип өтти.
– Әмәлиятта бу һөҗҗәт граждан вә дөләт оттурисидики өзара мунасивәтни тәртипкә селишқа, уларниң өзара мәҗбурийәтлирини ениқ бәлгүләшкә, шундақла мәктәп йешиғичә билим елиштин тартип, гражданларни пенсия билән тәминләшкичә болған қазақстанлиқларға берилидиған әң аз иҗтимаий капаләтләрни конкретлаштурушқа қаритилған, – дәп тәкитлиди Президент.
Шундақла ихтисатни диверсификацияләш бойичә топ қурулиду. Қасым-Жомарт Тоқаев буниң елимиз үчүн бирдин-бир йол екәнлигини тәкитлиди. Президентниң пикричә, буниңда реал ишләватқан механизмлар техичила йетәрлик әмәс.
– Һазирчә хам әшия қезип чиқириш, елип сетиш билән шуғуллиниш, дөләт буйрутмисиға бағлиқ болуп туруш пайдилиғарақ ,– дәп тәкитлиди Президент.
Жуқурида атап көрситилгән икки топниң иши Премьер-министрниң рәһбәрлигидә уюштурулидиған болиду.
Бәшинчи топта Һөкүмәт вә «Атамекен» Миллий тиҗарәтчиләр палатисиниң вәкиллири бизнес-тәртипкә селиш мәсилилири билән шуғуллиниду.
Президент Мәмурийити рәһбириниң орунбасари Тимур Сүлейменов рәһбәрлигидики алтинчи топниң паалийити заманивий дөләт башқуруши вә нәтиҗидарлиқ дөләт хизмәтлири мәсилилиригә беғишлиниду.
– Алдимизда дөләт аппаратиға йеңи сүпәт бериш вәзиписи туруватиду. У дәрһал риайә қилиш маһаритигә вә қарарларни қобул қилишта чоң вакаләтләргә егә болуши, һаҗәтлик нәтиҗигә йетиш мәхситидә өз зиммисигә җавапкәрлик елиши керәк. Буниңда көп нәрсә заманивий рәқәмлик технологияләрниң җарий қилинишиға бағлиқ. Бу мәсилидә бир орунда тохтап қелишқа болмайду, – дәп қәтъий тәкитлиди Қасым-Жомарт Тоқаев.
Қазақстан Президенти докладини тамамлап, алдимизда дөләт әһмийитигә егә муһим вәзипиләрниң туруватқанлиғини, бошаңлиқ көрситип, рәғбәт күтүшкә вақитниң йоқ екәнлигини тәкитлиди.
– Келидиған жил – дөлитимиз мустәқиллигиниң 30 жиллиғи. Мошу хатирилик сәнәни биз мәйрәмлик чарә-тәдбирләр билән әмәс, бәлки ениқ ишлар билән қарши елишимиз лазим. Мустәқиллигимизниң 30 жиллиғини зәрбидар, үнүмлүк әмгәк билән нишанлаш керәк. Сөз, һәммидин авал, гражданлиримизниң паравәнлигини тәминләшкә қаритилған нәтиҗидарлиқ ислаһатлар тоғрилиқ болуватиду, – дәп хуласилиди Дөләт рәһбири.

477 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы