• Нәшрият төһписи
• 19 Қараша, 2020

Шаирәниң йеңи топлими

Йеқинда «Дәуір» нәшриятидин буниңдин он үч жил илгири тәйярланған, дөләт тапшурмиси билән чиқиш үчүн тизимға елинған шаирә Патигүл Мәхсәтованиң «Қирғақлар» намлиқ талланма әсәрләр топлими нәширдин чиқти. Шаирәниң мәзкүр топлимида нәччә жиллиқ әмгигиниң мевиси болған шеирлири киргүзүлгән.
Әдәбият дуниясида өзигә хас қолтамғиси бар, бүгүнки дәвир нәпәси вә вақит бошлуғидики һадисиләр билән қәлби уйғун шаирә ушбу топлимидики шеирлирида ана жутқа, Вәтәнгә болған муһәббәт, туғулған йәр тәбиити, өмүрниң тепишмақ сирлири һәққидә чоңқур һиссият билән күйләйду.
Шаирәниң шеирлири китапхумар амминиң тәшналиғини қандуруп, роһий мәдәт беридиған, әл сөйүп оқуйдиған, һәрбир уйғурниң китап тәкчисидин орун алидиған китаплар қатарида орун алидиғиниға ишәнчимиз камил.

Румиләм ҖӘРИПОВА.
Алмута шәһири.