• Концерт
  • 19 Қараша, 2020

«Сән мениң меһминим»

Йеқинда Алмута шәһиридики «Достлуқ» кафесида талантлиқ яш нахшичи Сейитҗан Зайитовниң йәккә концерти болуп өтти. Униңда иҗрачи барлиқ нахшилирини җанлиқ авазда ейтип, тамашибинға күтүлмигән соға һәдийә қилди.

Мәшүр САСИҚОВ,
«Уйғур авази»

Сәнъәткә тәшна хәлқимиз пандемиягә бағлиқ узун вақит мошундақ роһий озуқ беғишлайдиған концертлардин мәһрум болғини ениқ. Шундақ болсиму, бу күни йәнә шу чәклимиләргә мунасивәтлик нахшичиниң сәккиз ай арман қилған йәккә концерти барлиқ карантин қаидилиригә риайә қилинған һалда өткүзүлди.
«RAVAN BAND» топиниң җор болушида нахшичиниң йеңи вә хәлқимиз арисида аммибаплиққа айланған нахшилирини тамашибин һәқиқәтәнму сеғинған екән. Улар һәрбир нахшини шу қәдәр алқишлар билән қарши алдики, һәтта ичи қизиқлар әвришим уссуллирини «намайиш» қилип, зални чаң кәлтүрди. Риясәтчи Шатлиқ Худайқулов болса, нахшичини көпчиликкә тонуштурғач, униң концертни тәйярлаш җәриянида, умумән, һаятида талай иссиқ-соғни бешидин өткүзгән инсан екәнлиги йәткүзди.
Бу күни Сейитҗанни тәбрикләп кәлгән бир топ яш талантлар, җүмлидин Аблеким Турсунов, Пәрһат Молутов, Шаһмурат Баһамов, Михрат Рәхмәтҗан вә Фируза Җалаловаму җанлиқ авазда нахша ейтип, тамашибинларға техиму хуш кәйпият һәдийә қилди. Әлвәттә, фонограмма билән җанлиқ авазниң пәрқи көп. Буни бирдинла байқиған диққәтчан тамашибин концертқа иштрак қилған яшларниң һәммиси һәқиқий талант егилири екәнлигигә көз йәткүзүп, уларниң иҗрасидики һәрбир нахшини алаһидә бәһирлиниш билән тиңшиди. Концертқа залдин нахшичиға қоюлған соалларму униң техиму қизиқарлиқ өтүшигә сәвәпкар болди. Мәсилән, Сейитҗанниң мүҗәз-хулқидики аҗиз йәрлириниң сәвәвини сориғанларға уму шундақ җавап бәрдики, соал бәргүчиләр нақолай әһвалда қелип, иҗрачидин әпу сориди.


Мана мошундақ нахшиму, чақчақму орун алған Сейитҗан Зайитовниң чоң сәһниләрдә қоюш арзусида тәйярланған, бирақ барлиғимизниң нурғун планлиримизни башқа қинға буриған пандемия түпәйли ихчам өткүзүшкә мәҗбур болған концерти жуқури дәриҗидә өтти. Униң тамашибин көңлидин чиққанлиғи ениқ. Чүнки биз пикрини сориғанларниң көпчилиги бир еғиздин «5» дегән баһани бәрди. Һәтта улар һәрқандақ концертниң дәл мошундақ өтүшини халайдиғанлиғини йәткүзди. Демәк, Сейитҗан Зайитов тамашибинға һәқиқий роһий озуқ беғишлиди дегән сөз.
Концерт ахирида тонулған сәнъәткарлар Нуралим Варисов билән Әзиз Искәндәров сөзгә чиқип, яш талант егисиниң сәнъәт йолидики дәсләпки қәдимини сәмимий тәбрикләп, иҗадий утуқ тилиди. Андин нахшичи ушбу концертни уюштурушта яр-йөләк болған бир топ шәхсләргә, болупму продюсер Илияр Мәшүровқа, «RAVAN BAND» топи билән «Пәрванә» уссул ансамблиниң коллективиға, «Достлуқ» кафесиниң мәмурийитигә, мәшрәп әзалириға чәксиз миннәтдарлиғини изһар қилди.

77 рет

көрсетілді

1

пікір
Алдыңғы мақала «Яңра, йезам садаси»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Стремись не к тому, чтобы добиться успеха, а к тому, чтобы твоя жизнь имела смысл. http://bit.do/fLc9r?h=0e6942c276b2ca0d5701b51cf6f99def&

23 Қараша, 2020

Стремись не к тому, чтобы добиться успеха, а к тому, чтобы твоя жизнь имела смысл. http://bit.do/fLc9r?h=0e6942c276b2ca0d5701b51cf6f99def&

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы