• Йеңилиқлар
  • 19 Қараша, 2020

Қазақстан хәлқи Ассамблеяси Рәисиниң орунбасари Закирҗан Кузиевниң ҚХА Кеңишиниң мәҗлисидә сөзлигән сөзи

Муһтәрәм Елбасы – Нурсултан Әбишоғли,
Һөрмәтлик Қасым-Жомарт Кемелоғли,
Ассамблея Кеңишиниң әзалири!

Мениңдин «Һаятиңда немә муһим орунда туриду?» дәп сориғанда, мән «Әң муһими, Қазақстанда туғулғанлиғим», дәп җавап беримән.
Қазақстан – түрлүк милләтләргә вәкиллик қилған миллионлиған адәмләрниң ғәмхор вә меһриван Вәтини.
У – очуқ имканийәтләр вә өсүп-йетилиш, течлиқсөйәр вә достлуқ-инақлиқ ели!
Қазақстанни Сиз, Нурсултан Әбишоғли, шу дәриҗигә йәткүздиңиз.
Мән – уйғур. Аддий ишчиниң оғли, көпбалилиқ аилидин чиқтим.
Сиз уйғур хәлқиниң мурәккәп тарихини билисиз.
Бизниң қазақ хәлқигә болған миннәтдарлиғимиз чәксиз. Сиз арқилиқ уйғурлар Қазақстанда қорқмай яшаш вә балилирини хатирҗәм тәрбийиләш имканийитигә еришти.
Нурсултан Әбишоғли, бүгүнки таңда уйғурларниң жүриги башқа әлдә әмәс, нәқ Қазақстанда соқуватиду.
Мениң қазақ хәлқи алдидики борчум, бу – гражданниң борчи вә вәзиписи – у күч вә һаятини Вәтинимизниң гүллиниши үчүн сәрип қилиш.

Һөрмәтлик Елбасы!
Сиз яритип бәргән шараит түпәйли мән 20 жилда аддий яғашчидин «Универсал» компанияләр топиниң рәһбиригичә болған йолни бесип өттүм.
Бизниң Яркәнт крахмал-ширнә заводи – Мәркизий Азиядики бирдин-бир кархана. Биз көмүқонақни чоңқур қайта ишләш һесавиға 30ға йеқин мәһсулат түрини ишләп чиқиримиз, униң 65 пайизи Мәркизий Азия вә Европа әллиригә экспортқа чиқирилиду.
Бу вәзипиләрни кичик вә оттура тиҗарәт һәл қиливатиду. У турақлиқниң һули, бирлик асаси.
2020-жил бизниң мустәһкәмлигимизни синаватиду.
Пандемия, су бесишлар, боһранлар.
Бирақ биз бойсунмидуқ, мунасип җавап қайтурдуқ.
Биз, барлиқ тиҗарәтчиләр, Сизниң, Нурсултан Әбишоғли, «Адәм өзиниң һәқлиқ екәнлигини ениқ изгү ишлири билән дәлилләйду», дегән сөзлириңизгә үн қаттуқ.
Жил бешидин тартип Түркстан вилайитиниң Мақтарал наһийәси вә Арыс шәһиригә Қазақстан уйғурлириниң җумһурийәтлик этномәдәнийәт бирләшмиси баһаси 120 миллион тәңгидин ошуқ хәйрихаһлиқ ярдәм уюштурди.
Умумән, Қазақстан хәлқи Ассамблеяси бир йерим миллиард тәңгилик ярдәм қилди, 335 тонна инсанпәрвәрлик жүк әвәтти, икки миллиондин ошуқ медицина ниқавини тарқатти.
Пидаийлар жилида «Біз біргеміз!», дегән сөзләр Қазақстан пидаийлириниң шиариға айланди.
Бу сөзләр тәрҗимигә муһтаҗ әмәс!
Уларда течлиқ вә разимәнлик сәясити әкис әткән!
Һәрдайим шундақ болсун!
Диққитиңларға рәхмәт!

39 рет

көрсетілді

1

пікір
Алдыңғы мақала Миллий валюта Мустәқилликниң ихтисадий асаси
Келесі мақала Қазақстан хәлқи Ассамблеяси Кеңишиниң мураҗиити

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Стремись не к тому, чтобы добиться успеха, а к тому, чтобы твоя жизнь имела смысл. http://bit.do/fLc9r?h=4d7df093ab132f7ebb0bd6008aa5b74a&

23 Қараша, 2020

Стремись не к тому, чтобы добиться успеха, а к тому, чтобы твоя жизнь имела смысл. http://bit.do/fLc9r?h=4d7df093ab132f7ebb0bd6008aa5b74a&

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы