• Йеңилиқлар
• 19 Қараша, 2020

Қазақстан хәлқи Ассамблеяси Кеңишиниң мураҗиити

Һөрмәтлик вәтәндашлар!
Қазақстан хәлқи Ассамблеясиниң 25 жиллиғи Қазақстанниң Тунҗа Президенти – Елбасы Нурсултан Әбишоғли Назарбаев асасини салған вә униң муәллипи болған течлиқ, разимәнлик вә бирлик сәяситиниң муқәррәр утуғи вә улуқ нәтиҗилириниң ярқин рәмзи болуп һесаплиниду.
Мустәқиллик жиллирида Қазақстан униң стратегиялик рәһбәрлигидә әсирләргә баравәр йолни бесип өтти.
Мустәқил Қазақстан дуния хәритисидә нәтиҗидарлиқ нәрқ ихтисадиға, демократик җәмийәтлик түзүмгә вә жуқури хәлиқара абройға егә шәкилләнгән дөләт сүпитидә орун алди.
Қазақ хәлқи әзәлдин қазақ йеридә һәқиқий ғоҗайин болди, йүздин ошуқ милләтни өз әтрапиға җипсилаштуруп, гражданлиқ течлиқ вә этносларара разимәнлик таянчисиға, динларара диалогниң хәлиқара мәркизигә айланди.
Қазақстанлиқ җәмийәтлик разимәнлик вә умуммиллий бирлик үлгиси Нурсултан Назарбаев үлгиси сүпитидә хәлиқара дәриҗидә етирап қилинди.
Қазақстанни йеңилашниң мурәккәп һәм җошқун җәрияни вә аләмшумул ихтисадий проблемилар умуммиллий бирликни күчәйтишкә йеңи тәләпләрни қоюватиду.
Қазақстан Президенти Қасым-Жомарт Тоқаевниң тапшурмиси бойичә этносларара тәрәққият мәсилилири бойичә пүтүнсүрүк дөләт башқуруш тармиғи қурулди.
Дөләт тилини этносларара тил сүпитидә тәстиқләш бойичә иш йеңи сүръәткә егә болди.
«Біз біргеміз!» умумхәлиқ акцияси барлиқ гражданларни бирләштүрүп, вақит синақлириға җавап беришниң ярқин мисалиға айланди.
Буниңдин кейинму шундақ болуши керәк!
Биз Ассамблеяниң барлиқ әзалирини, Қазақстан гражданлирини течлиқ вә разимәнликни сақлашта Елбасы йолиниң стратегиялик варислиғини қоллап-қувәтләшкә чақиримиз.
Биз Дөләт рәһбириниң Қазақстан хәлқигә йоллиған Мәктүбиниң әмәлгә ашурулидиғанлиғиға вә ислаһатларниң умумхәлиқ тәрипидин қоллап-қувәтлинидиғанлиғиға камил ишинимиз.
Биз гражданлиқ течлиқниң, җәмийәтлик разимәнлик вә хәлиқ бирлигиниң мәмликитимизниң һули, униң алға қарап тәрәққий етишиниң муһим шәрти болғанлиғини вә шундақ болуп қалидиғанлиғини тәстиқләймиз.
Гражданларниң паравәнлиги өссун, бирпүтүн Вәтинимиз – Қазақстан Җумһурийити тәрәққий әтсун вә гүлләнсун!

Қазақстан хәлқи Ассамблеяси
Нур-Султан шәһири, 2020-жил 11-ноябрь