• Йеңилиқлар
  • 27 Қараша, 2020

Бүйүк мутәпәккүр тәвәллудиға беғишланди

Йеқинда Қаһиридә қазақ әдәбиятиниң һулини салған бүйүк мутәпәккүр Абай Қунанбаевниң иҗадийитигә беғишланған кәч өткүзүлди. Қазақстан Җумһурийитиниң әлчилиги билән Қазақ миллий академиялик китапханиси мәзкүр чарә-тәдбирни исми дунияға мәшһур әдипниң әсәрлирини Мисир китапханлири арисида тәрғип қилиш мәхситидә уюштурди.
Униңға қазақстанлиқ зияли әһлиниң вәкиллири – Қазақстан Җумһурийити Миллий академиялик китапханисиниң мудири Үмитхан Муналбаева, М.Әвезов намидики Мәдәнийәт вә сәнъәт институтиниң мудири Кенжехан Матыжанов, Қазақстан Язғучилар иттипақи башқармиси рәисиниң орунбасари Бауыржан Жақып вә Мисир тәрәптин Парламент Сенатиниң рәиси Әбдел Уахаб Әбдел Разық, Конституциялик сот рәиси Саид Марей, Әхбарат министри Усама Хейкал, шундақла Мисирдики әлчиханилар рәһбәрлири вә башқилар қатнашти.
Тәнтәнилик кәчтә дәсләп сөзгә чиққан елимизниң Мисир мәмликитидики әлчиси Қайрат Лама Шариф Қазақстан Җумһурийитиниң Тунҗа Президенти Н.Ә. Назарбаевниң «Абай аманити» вә Дөләт рәһбири Қ.Тоқаевниң «Абай вә ХХI әсирдики Қазақстан» намлиқ мақалилириға әтраплиқ тохталди. Кәч давамида Қазақстан Җумһурийити Миллий академиялик китапхана фондидин кәлтүрүлгән көргәзмә уюштурулуп, Абай иҗадийити һәққидә 200дин ошуқ китап меһманлар диққитигә һавалә қилинди. Шундақла концертлиқ программа даирисидә қазақстанлиқ һәм мисирлиқ студентлар тәрипидин қазақ вә әрәп тиллирида Абайниң шеирлири ипадилик оқулуп, нахшилири иҗра қилинди.
Мәрасимдин кейин қазақстанлиқ меһманлар Мисир пайтәхтидики «Азатлиқ вә достлуқ» истираһәт беғидин орун алған Абай ядикарлиғиға гүлчәмбәрләр қойди.

526 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы