• Йеңилиқлар
• 27 Қараша, 2020

Nur Otan партиявий тизимни тәстиқлиди

Nur Otan партиясиниң новәттин ташқири ХХ қурултийи өтүп, Қазақстан Җумһурийити Парламенти Мәҗлисиниң вә йәрлик мәслиһәтләрниң депутатлиғиға намзатларниң тизими тәстиқләнди.
Партиявий тизим 126 намзаттин ибарәт. Улардин 77 намзат ички партиявий праймериз йәкүни, 49 адәм мәркизий партиявий квота бойичә ениқланди.
Намзатларниң умумий тизимидин һазирқи Парламент Мәҗлисиниң депутатлири 20 пайизни, дөләт башқуруш вәкиллири 13 пайизни, билим бериш вә саламәтликни сақлаш саһалириниң – 12 пайизни, һөкүмәтлик әмәс тәшкилатларниң – 9 пайизни вә санаәтниң 8 пайизни тәшкил қилиду.
28 пайиз – ихтисатчилар, 20 пайиз – юристлар, 17 пайиз – тиҗарәтчиләр. 21 намзат илмий дәриҗигә, җүмлидин 10 – докторлуқ вә 11 намзатлиқ дәриҗигә егә. 
Тизимдикиләрниң үчтин бир қисми – аяллар. Илгәрки партиявий тизим билән селиштурғанда, намзатларниң оттура йеши 4 жилға төвәнләп, 48 яшни тәшкил қилди.
Әслитип өтүмизки, Nur Otan партиясиниң праймеризиға 10 миңдин ошуқ намзат қатнашти. Умумҗумһурийәтлик онлайн-аваз беришкә 662 миң адәм яки барлиқ қазақстанлиқларниң 84 пайизи қатнашти.
Нәтиҗидә 6 253 адәм Nur Otanниң партиявий тизимиға, 216 адәм барлиқ дәриҗиләрдики мәслиһәтләр тизимиға кирди.
Тәһлилниң көрситишичә, регионлуқ партиявий тизимларда аяллар вакаләтлиги 22 пайиздин 34 пайизғичә, яшларниң 3,5 һәссә – 7 пайиздин 24 пайизғичә көпәйди. Мәслиһәтләрниң һазирқи тәркиви билән селиштурғанда, оттура яш 7 яшқичә – 51 яштин 44 яшқичә яшарди. 
Партиявий тизимниң 24 пайизини һазирқи мәслиһәт депутатлири, 76 пайизини йеңи исимлар тәшкил қилиду.
Буниңда партиягә 42 миңдин ошуқ йеңи тәрәпдарлар әза болди. Уларниң 1000 ошуғи ички партиявий сайламға қатнашти, һәр үчинчиси Nur Otanниң партиявий тизимиға кирди.
Аһалиниң праймериз вақтида паал қатнишиши түпәйли Nur Otanниң 216 сайлам алдидики регионлуқ партиявий программилири муһакимигә чүшти вә қобул қилинди. Уларда гражданларниң 17 миңдин ошуқ тәкливи һесапқа елинди.