• Йеңилиқлар
  • 03 Желтоқсан, 2020

«Өзгиришләр йоли: Һәрбир адәмгә мунасип һаят!»

Гезитимизниң өткән санида хәвәр қилинғинидәк, 25-ноябрь күни Nur Otan партиясиниң новәттин ташқири XX қурултийи өтүп, униңға мәмликәт Президенти Қасым-Жомарт Тоқаев вә Елбасы – партия Рәиси Нурсултан Назарбаев қатнашти.
Nur Otan партиясиниң новәттин ташқири қурултийи Парламент Мәҗлиси һәм мәслиһәтләр сайлими һарписида өтти вә күн тәртивиму шуниңға мунасивәтлик болди – партияниң сайлам алдидики программиси қаралди һәм партиявий тизим тәстиқләнди.
Президент Қасым-Жомарт Тоқаев қурултайда сөзгә чиқип, боһран вақтида һөкүмран партия, Һөкүмәт вә пүткүл җәмийәт алдида әҗайип имканийәтләрниң ечиливатқанлиғини тәкитлиди.
– Биз мошу тарихий имканийәтни пайдилиниш үчүн мәмликәткә тәрәққиятниң йеңи үлгисини тәклип қилишимиз зөрүр. Буниңда һакимийәтниң барлиқ тармақлириниң: Президентниң, Һөкүмәтниң, әлвәттә, қанун чиқириш тармиғиниң күч-қувити тәләп қилиниду. Шуңлашқа алдики сайлам пүткүл җәмийәт үчүн алаһидә муһимдур, – дәп тәкитлиди Дөләт рәһбири.
Президент партияниң «Өзгиришләр йоли: һәрбир адәмгә мунасип һаят!» сайлам алдидики программисини тәвсийә қилди. Буниң мәзкүр һөҗҗәтниң пүткүл мәмликәт тәрипидин тәйярланғанлиғини – сәясий бирләшминиң қазақстанлиқлардин келип чүшкән тиләк-пикирләрни һесапқа алғанлиғини – алаһидә тәкитлиди.
– Тунҗа Президент Нурсултан Әбишоғли Назарбаев Бәш институционал ислаһатта вә Милләт планида атап көрсәткән системилиқ йеңилашқа күч-қувәт бериш керәк. Мошу мәхсәттә биз 2025-жилғичә бәлгүләнгән «Өзгиришләр йоли: һәрбир адәмгә мунасип һаят!» сайлам алдидики программисини қобул қиливатимиз. Бу пухта ойлаштурулған, реал һөҗҗәт. Ихтисаттики қийинчилиқларға қаримай, Nur Otan Һөкүмәт билән бирликтә новәттики бәш жиллиқ мабайнида программини әмәлгә ашурушқа 21 триллион тәңгә сәрип қилишни планлаватиду. Программа мәмликәтниң иҗтимаий тәрәққиятиға вә хәлиқниң паравәнлигини ашурушқа қаритилған ениқ нәтиҗидарлиқ чариләр комплексини тәклип қиливатиду, – дәп тәкитлиди Президент.
Партия программиси төрт асасий әвзәлликни өз ичигә алиду. Бу өз иқтидарини әмәлгә ашуруш үчүн барлиқ қазақстанлиқлар үчүн охшаш имканийәтләр, сағлам, әқлий милләтни шәкилләндүрүш, ихтисат вә регионларни турақлиқ тәрәққий әткүзүш, «хәлиқ авазиға қулақ салидиған» дөләт вә җавапкәр гражданлар.
Президент хәлиқ ишәнчиси вә сәясий лидерлиқ үчүн күрәштә реал ишларниң асасий испат-дәлил болидиғанлиғини вә партия әзалириниң, болупму дөләт башқуруш системисида жуқури лавазим егиләватқанларниң һәқиқий әмгәксөйгүчлүк, сәясий җавапкәрлик, гражданлиқ вәтәнпәрвәрлик үлгиси болуши керәклигини алаһидә тәкитлиди.
Дөләт рәһбири өз сөзидә шундақла Қазақстан Мустәқиллигиниң 30 жиллиғиниң Парламент Мәҗлиси вә мәслиһәтләр депутатлириниң сайлимидин башлиниватқанлиғиға вә буниң рәмзлик әһмийәткә егә екәнлигигә диққәт ағдурди.
– Алдики сайламниң җәмийәт бирлигини вә саламәтлигини күчәйтидиғанлиғиға ишинимән. Биз мәзкүр кампанияниң очуқ, адаләтлик вә қануний өтүши үчүн барлиқ шараит яритимиз. Мән, Дөләт рәһбири сүпитидә, буни диққәт билән байқап-күзитимән, – дәп билдүрди Қасым-Жомарт Тоқаев.
Nur Otan партиясиниң Рәиси Нурсултан Назарбаев юбилейлиқ қурултайда сөзгә чиқип, партияниң бүгүнки күндә мәмликәтниң баш сәясий күчи екәнлигини тәкитлиди. Тунҗа Президент мәмликәтниң мустәқиллик жиллиридики тәрәққиятиниң асасий утуқлириға тәпсилий тохталди.
– Қазақстан 30 жилда чоң иҗтимаий-ихтисадий утуқларға йәтти. Бу, биринчи новәттә, нәрқ ихтисадиға вә мәмликәтни йеңилашқа нишан қилинған түп-асаслиқ ислаһатларни жүргүзүш һесавиға қолға кәлтүрүлди. Нәрқ ислаһатлири, индустрияләштүрүш вә чәт әл инвестицияси әмгәк үнүминиң өсүшини һәрикәткә кәлтүргүчи күч болди вә ихтисатниң өсүшини тәминлиди, иш билән тәминләшни һәссиләп ашурди һәм җәмийәттә иҗтимаий қатламларға бөлүнүшни қисқартти, – деди Елбасы.
Нурсултан Назарбаев мустәқиллик жиллирида җумһурийәтниң миллий бирликниң надир үлгисини вуҗутқа кәлтүрүп, этник көпхиллиқни әвзәлликкә айландурғанлиғини тәкитлиди. Елбасыниң сөзичә, бу җәриянда асасий роль Қазақстан хәлқи Ассамблеясигә тәәллуқ болуп, у мәмликәтниң барлиқ милләтлирини бирпүтүн умумқазақстанлиқ қәдрийәтләр әтрапиға җипсилаштуруватиду.
– Ихтисадий өсүш сүръити жуқури болған пәйттә қурулған Миллий фонд бизниң малийәвий бехәтәрлигимизниң мәнбәсигә айланди. Биз 1 400 ағриқхана билән шипахана, 1 800 мәктәп, 900 балилар бағчисини селип, иҗтимаий инфрақурулумни йеңилидуқ. Қобул қилинған «Қазақстан-2050» Стратегияси даирисидә Ихтисадий һәмкарлиқ вә тәрәққият тәшкилатиниң тәрәққий әткән әллириниң үлгилиригә қарап мәхсәтчанлиқ билән кетип баримиз, –дәп тәкитлиди Тунҗа Президент.
Һазир пүткүл дуния, җүмлидин Қазақстан овҗ алған таҗсиман вирус пандемиясигә бағлиқ йеңи боһранни баштин кәчүрүватиду. Елбасы тәкитләп өткәндәк, мошундақ мурәккәп вақитта дөләтниң, дөләт органлириниң җавапкәрлиги өсиду. Мәмликәтниң йеңи синақларни йеңип чиқиши боһранға қарши ишниң нәтиҗидарлиғиға, хәлиқниң һакимийәт орунлириниң иш-һәрикәтлирини қоллап-қувәтлишигә вә ишәнчисигә бағлиқ.
Нурсултан Назарбаев Қазақстанда Һөкүмәтниң «таҗсиман боһрандин» зәрдап чәккән һәм тиҗарәтчиләрни, һәм аддий гражданларни қоллап-қувәтләш үчүн өз вақтида чарә көргәнлигини тәкитлиди. Бу йөнилиштә Nur Otan партиясиму чоң ишларни жүргүзди.
Елбасы шундақла Nur Otan партиясини йеңилаш җәрияниға тохталди.
– Бизниң партия – башқуруш тәҗрибисигә вә барлиқ регионларда җиддий кадрлар ресурсиға егә чоң сәясий күч. Сүпәт тәркиви бойичә Nur Otan пүткүл Қазақстан җәмийитиниң қияпити болуп һесаплиниду. Шуңлашқа биз буниңдин кейинму мәмликәтниң һәм пүткүл Қазақстан хәлқиниң гүллиниши үчүн қәтъий ишләш нийитидә, – дәп атап көрсәтти Тунҗа Президент.
Партия Рәиси сәясий бирләшминиң һәрқачан үч асасий принципни рәһбәрликкә алғанлиғини буниңдин кейинму шуниңға әмәл қилидиғанлиғини тәкитлиди. Булар – җавапкәрлик, командилиқ бирлик, умумий идеаллар билән мәхсәтләргә интилиш.
Елбасыниң тәкитлишичә, Nur Otan – реал ишлар партияси вә у «ейтилдиму – әмәлгә ашурғин» принципи бойичә ишләшни давамлаштуруши керәк.
– Қийин пәйтләрдә Nur Otan һәрқачан хәлиқ билән биллә болди вә һазир партияни мәмликәттики реал һакимийәт дәп билиду – бу бизгә наһайити чоң җавапкәрлик жүкләйду вә биз буни чүшинимиз. Nur Otan партиясидин намзат болуш, партиявий тизимниң бир қисми болуш – демәк, бүгүн дөләт үчүн вә мәмликәтниң келәчиги үчүн җавапкәрликни бөлүшүш. Партиягә әза болуш – әвзәллик әмәс, бәлки һәр күни Вәтән үчүн ишләш, җәмийәт алдидики мәҗбурийәт, – деди партия Лидери.
Тунҗа Президент шундақла мәмликәт тәрәққиятиниң барлиқ басқучлирида Nur Otan партиясиниң әң актуал проблемилар бойичә гражданлар билән кәң диалог уюштуруш тәрәпдари болғанлиғини, нәтиҗидә партияниң сәясий күн тәртиви һәрқачан җәмийәт үчүн бирләштүргүчи асас вә барлиқ қазақстанлиқлар үчүн чүшинишлик болуватқанлиғини тәкитлиди.
– Nur Otan партиясиниң елан қилинған программиси – бу улуғвар, шуниң билән бир вақитта малийәвий һәм адәм ресурслири билән мустәһкәмләнгән ойлаштрулған мәхсәтләр билән нишанлар. Программа ислаһатлар йолумизниң мәнтиқий давами болуп һесаплиниду. Мән Президент елан қилған программини қоллап-қувәтләймән вә бизниң умумий вәзипимиз – шуниң әтрапиға җипсилишип, биллә ишләш, – деди Nur Otan партиясиниң Рәиси.
Елбасы шундақла партияниң ислаһатларни жүргүзүш тәҗрибисигә вә барлиқ бәлгүләнгән планларни әмәлгә ашуруш үчүн сәясий ирадигә егә екәнлигини атап көрсәтти.
– Партияниң йеңи программиси орунлиниду. У мәмликәтни техиму йеңилашни тәминләйду вә барлиқ қазақстанлиқларниң турмуш сүпитини яхшилайду. Электорал кампанияни утуқлуқ жүргүзүш үчүн партия җумһурийәтлик вә регионлуқ штабларниң уйғун ишлишини уюштуруши лазим. Намзатлар, активистлар вә ишәшлик вәкилләр барлиқ регионларда болуп, һәрбир сайлиғучиниң алдиға бериши шәрт, – деди Қазақстанниң Тунҗа Президенти.
Нурсултан Назарбаев Җумһурийәтлик сайлам алдидики штабниң рәһбири сүпитидә партия Рәисиниң биринчи орунбасари Бауыржан Байбекниң намзитини көрсәтти. Униңға штаб әзалириниң шәхсий тәркивини ениқлаш, электорал кампанияни уюштуруш, барлиқ вилайәтлик штаблар, барлиқ регионлардики партия әзалири вә активистлар билән ишләш вәзиписи тапшурулди.
Партия Рәиси сөзиниң ахирида мәмликәт мустәқиллигини һәм пүтүнлүгини сақлаш, хәлиқни Президент Қасым-Жомарт Тоқаев әтрапиға җипсилаштуруш вә дөләт тәрәққияти үчүн өз ишини давамлаштуридиғанлиғиға ишәндүрди.
Қурултайда партияниң «Өзгиришләр йоли: һәрбир адәмгә мунасип һаят!» программиси қобул қилинди, шундақла Парламент Мәҗлиси сайлимиға партиявий тизим тәстиқләнди.
Новәттин ташқири қурултайда шундақла бирқатар делегатлар сөзгә чиқип, Nur Otan партиясиниң сайлам алдидики программисида бәлгүләнгән әвзәлликләрниң актуаллиққа егә екәнлигини тәкитлиди вә қоюлған вәзипиләрни әмәлгә ашурушқа киришишкә тәйяр екәнлигини билдүрди.

349 рет

көрсетілді

1

пікір
Алдыңғы мақала Хәлиқара “дүгләк үстәл” өтти
Келесі мақала Лауреатлар ениқланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Buy anapolon i metanabol http://jefftech.org/community/profile/steroid5UCirI/?h=785413d0762792ef373b314d62830f8b&

12 Желтоқсан, 2020

Buy anapolon i metanabol http://jefftech.org/community/profile/steroid5UCirI/?h=785413d0762792ef373b314d62830f8b&

Уйғур авази

13 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы