• Нәшрият төһписи
  • 07 Қаңтар, 2021

«Иҗаткарниң» йеңи сани нәшир қилинди

«Иҗаткар» журнали өзиниң новәттики сәһиписини даңлиқ язғучи, җәмийәт әрбаби Йүсүпбәг Мухлисовниң тәвәллудиниң 100 жиллиғиға беғишланған хатириләр билән, шундақла әдипниң қәлимигә мәнсүп «Садир палван» романидин парчә билән ачиду. Бу санда пүткүл аңлиқ һаятини маарипқа беғишлап, мәрипәт пешиваси аталған устаз, шаир Мәшүр Җәлиловниң туғулғининиң 90 жиллиғиға аит мақалә һәм шаирниң бир түркүм шеирлириму берилди.
Тарихий Вәтинимиздә тонулған шаир Аблеким Һәсәнниң шеирлири, атақлиқ язғучи Тохти Аюпниң «Кона өй» һекайиси оқурмәнлиримизниң қәлбидин чоңқур орун алиду дәп ишинимиз.
«Әдәбий достлуқ – әбәдий достлуқ» сәрләвһисидә истедатлиқ рус шаирәси, тәрҗиман, әдәбий тәнқитчи, Қазақстан Язғучилар иттипақиниң әзаси, «Құрмет» ордениниң саһиби Надежда Чернованиң иҗадий-паалийити вә уйғур тилиға тәрҗимә қилинған шеирлири, Грузия дөләт мукапитиниң саһиби, талантлиқ язғучи Нодар Думбадзениң «Ишт» һекайисиму диққәткә сазавәрдур.
Көп жиллар мабайнида яш әвлатни тәрбийиләп, билим бәргән устаз Һүсән Баратовниң, Арсен Һетахуновниң бир түркүм шеирлири, Халидәм Аблизованиң, һәвәскар иҗаткар Сайдәхмәт Амутниң һекайилири, Венера Иминованиң «Көңүлдики гәпләр» намлиқ философиялик ой-пикирлири «Йеңи исимлар» рубрикиси астида йорутулди .
«Үч аял – үч тәғдир» сәрләвһисидә тарихта нами қалған аяллар тоғрисида мақалилар башқа нәширләр сәһипилирдин тәрҗимә қилинди. Алтун мирасимиз болған хәлиқ еғиз иҗадийити нәмунилиридин болған чөчәкләрму берилди.

Хуршидәм ҺЕЗИМОВА,
«Иҗаткар» журналиниң мәсъул кативи.

459 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы