• Йеңилиқлар
• 07 Қаңтар, 2021

Алаһидә күндики алаһидә соға

Сабирәм ӘНВӘРОВА,
«Уйғур авази»

Мәйрәм күнлириниң ичидики әң улуғи – Мустәқиллик күни болса керәк. Чүнки Мустәқиллигимиз болмиса, бүгүнимизму, келәчигимизму болмас еди. Шуңлашқа ушбу күнниң қәдир-қиммитини яш әвлатниң сәвийәсигә сиңдүрүш асасий пәрзимиз болғуси.
Ваһаләнки, Мустәқиллигимизни пәқәт 16-декабрь күнила әмәс, бәлки течлиқ билән атқан һәр теңимизда әскә елип, һәр жутқан нәпәсимиздә баһалаш – барчимизниң борчи. Дегән билән, жил өткәнсири қәдри ашидиған әркинлигимизни 16-декабрьда алаһидә етиварға алидиғанлиғимиз раст. Җүмлидин, карантинға қаримастин, бийилму бу мәйрәм өз дәриҗисидә атап өтүлди.
Мәйрәм күни Уйғур наһийәси һакиминиң орунбасари Қадиржан Бағбаев наһийәлик пәрзәнтханиниң босуғисидин атлап, улуқ күндә дунияға көз ачқан сәбиләр билән анилирини қош хошаллиқ билән тәбрикләп қайтти. Тәбрикләпла қоймай, наһийә рәһбәрлигиниң мәхсус тапшурмиси билән тикилгән, «Қазақстан Республикасының Тәуелсіздігіне — 30 жыл» дегән йезиғи бар көрпиләрни соға қилди.
Хулләс, бу күни наһийәдә 4 бала туғулған. Уларниң иккиси – оғул, иккиси – қиз. Йеңидин туғулған сәбиләрниңму, анилириниңму әһвали яхши.

Уйғур наһийәси.