• Әхбаратлар еқими
  • 21 Қаңтар, 2021

Китап көргәзмиси

Кәч күздә Кәтмән кәнтигә көчмә китап көргәзмиси кәлди. Клубтики көргәзмигә кәтмәнликләр көп кәлди. Кирләнмигән кийим-кечәктики киномеханик Карлин, калтәк көк көйнәктә кассир Клара, күмүч рәңдә кәштиләнгән, кәйни кесилгән кәмзәлдә Күләш, кепини келишмисиму, күрәшчи Кәрим кепка-кроссовкидила клубта көрүнди. Кейинирәк көптин көрүнмәй кәткән көзәйнәклик кона коммунист Камилҗанму кирип кәлди. Көргәзмигә кәлгүчиләр көрнәклик классик кишиләрниң китаплирини көздин кәчүрди. Көптин көмүлүп кәлгән, китапхумарларни күткән кона китапларни көргәндә китапхумарларниң көңли көтирилди. Кәтмәнликләрниң көргәзмидин кәткүси кәлмигәчкә, кәчқурунлуғи келидиған калилириниму күтүвалмиди. «Кәтмән» кафесиниң күзәтчисиму корпоративкидин кейин кафесини күзәтмәй, кечиләп көргәзмигә кәткинигә кәнттикиләр күлүшти. 
Китапханичи Камиләм Камалованиң көзлигини – кәнттә китапхумарларни көпәйтиш. Камиләм китапханиниң кичиклигидин, китапларни кәң клубқа киргүзгәнди. Көпчилик китап көргәзмисидин кейин, концерт көрди. Карамәт көргәзмә китапхумар кәтмәнликләрниң көңлини көккә көтиривәтти. Кәтмән — композиторларниң, кардиологларниң, киноматографларниң, каскадерларниң, карханичиларниң, карнайчиларниң, косметологларниң, конструкторларниң, коммерсантларниң, комитетчикларниң (колисаң кетивериду), катта-катта кишиләрниң кәнти. Көпчилик кәлгүчиләрни кәтмәнликләрдәкла күтсә, китап көргәзмиси күндин-күнгә күчийип кетәттимекин.
 Көчмә китап көргәзмиси келишилгән күни Кеңәш кәнтигә кәтмәкчи. Кеңәштикиләрниңму, кәтмәнликләрдәк, көргәзмигә кечикмәй келидиғини күтүлмәктә.

Минәмҗан АСИМОВ. 

365 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы