• Мукапат мубарәк!
  • 21 Қаңтар, 2021

Язғучиға мукапат тапшурулди

Язғучи вә сәяһәтчи Исмайилҗан Иминовниң өзи туғулуп өскән Қарғалы йезисиниң адәмлири, тәбиити, достлири һәққидә язған һекайилири һечкимни бепәрва қалдурмайду. Әнди униң жирақ вә йеқин чәт әлләргә, елимизниң һәрхил җайлириға қилған сәяһәтлиридин кейин язған сәпәр тәсиратлири болса тарихий фактларға, қизиқ-қизиқ вақиәләргә толуп-ташқан. Шуңлашқиму язғучиниң китаплири кәң оқурмән аммисида аммибаплиққа егә. 

Йолдаш МОЛОТОВ,
«Уйғур авази»

Мошу йеқинда язғучиға Россия Федерацияси һөкүмитиниң әзаси, Россия Федерацияси МДҺ әллири вә чәт әлләрдә яшаватқан вәтәндашлар ишлири бойичә вә хәлиқара дөләтлик һәмкарлиқ федераллиқ агентлиғиниң рәиси Элеонора Митрофанова рус тилини тәрәққий әткүзүшкә вә Қазақстан һәм Россия арисидики достлуқни күчәйтишкә қошқан үлүши үчүн мәхсус диплом тапшурса, Россия Федерациясиниң Алмутидики баш консули Евгений Бобров Россиядә «Театр жилини» вә МДҺ әллиридә өтүватқан «Китап жилини» өткүзүш чарә-тәдбирлирини уюштурушқа қошқан төһписи үчүн һәм шундақла Қазақстан вә Россия хәлиқлири арисидики достлуқни күчәйтишкә қошқан шәхсий үлүши үчүн Миннәтдарлиқ елан қилди. 
 — Бу мукапатлар мениң үчүн күтүлмигән соға болди, — дәйду Исмайилҗан ака. — Мениң әсәрлиримниң асасий мавзуси достлуқ, ана жутқа, тәбиәткә муһәббәт. Булар һечқачан өз әһмийитини йоқатмайдиған инсаний қәдрийәтләр. Шу қәдрийәтләрни яш әвлатқа сиңдүрүш – бизниң  асасий вәзипимиз. 
Бизму, өз новитидә, язғучини бу мукапатлар билән тәбрикләп, иҗадий утуқ тиләймиз.

76 рет

көрсетілді

0

пікір
Алдыңғы мақала Әмгиги мунасип баһаланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

24 Ақпан, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы