- Әхбаратлар еқими
- 21 Қаңтар, 2021
Кеңәш тәркиви қисмән йеңиланди
Миллий җәмийәтлик ишәнчә кеңишиниң тәркиви қисмән йеңиланди: үч әза чиқирилди, алтә адәм қурулум қатарини толуқтурди.
Миллий кеңәш ишиға җамаәтчиликниң йеңи вәкиллири –“Қазинформ” Хәлиқара әхбарат агентлиғи” акционерлиқ җәмийитиниң башқарма рәиси Асқар Омаров, ADAL партиясиниң кативи – сәясий кеңәш әзаси Эльдар Жумағазиев, StopFake.kz лайиһисиниң рәһбири, Президентниң яшлар кадрлар резервиниң әзаси Александр Данилов, Ақтөбидики “Тандем” телерадио компаниясиниң баш мудири Тәттигүл Талаева, “Team Qazaqstan” яшлар һәрикитиниң активисти, билим мәсилилири бойичә эксперт Қайсар Турсынқожа, Қазақстан Җумһурийити Президентиниң “Болашақ” хәлиқара стипендияси стипендиатлири ассоциациясиниң иҗраий мудири, Президентниң яшлар кадрлар резервиниң әзаси Лаура Демесинова җәлип қилинди.
Қазақстан Җумһурийити Президенти мәтбуат хизмитиниң Facebookтики рәсмий сәһиписидә тәкитлинишичә, Миллий кеңәш тәркивидин Асылбек Қожахметов, Шыңғыс Муқан вә Ермек Турсынов чиқирилди.
Мәлумки, Миллий кеңәш қурулған пәйттин тартип өткән бир йерим жилда униң тәшәббуслирини әмәлгә ашуруш даирисидә 10 қанун қобул қилинди, йәнә 7 қанун қариливатиду.
Һазир Миллий җәмийәтлик ишәнчә кеңишиниң бәшинчи мәҗлисигә тәйярлиқ көрүлүватиду.
442 рет
көрсетілді0
пікір