• Спорт
• 28 Қаңтар, 2021

Җумһурийәт биринчилиги аяқлашти

Өткән һәптидә Алмутидики җумһурийәтлик спорт колледжида бокстин яшлар арисида Қазақстан биринчилиги аяқлашти. Бу мусабиқә тонулған җәмийәт әрбаби Амалбек Тшанниң хатирисигә беғишланди.
 Мәзкүр мусабиқигә Җамбул вилайитиниң спортчилири яхши тәйярлиқ билән кәлгәнлигини көрсәтти. Улар 2 алтун, 2 күмүч вә 4 бронза медалини елип, умумкомандилиқ һесапта биринчи орунни егилиди. 2 алтун, 1 күмүч вә 2 бронза йеңивалған Алмута шәһириниң спортчилири болса, иккинчи орунға егә болди. Үчинчи орунда — Шәрқий Қазақстан вилайити. Улар 2 алтун, 1 күмүч, 2 бронза медаль йеңивалди.