• Әхбаратлар еқими
• 17 Ақпан, 2021

Әскәрләрни елип кетиш күни нишанланди

Алмутидики 28-гвардиячи-панфиловчилар паркида шөһрәт мемориали вә бәйнәлмиләл-җәңчиләр монументи йенидики Мәңгүлүк от алдиға кеңәш әскәрлириниң чәкләнгән контингентиниң Авғанстандин елип кетилишиниң 32 жиллиғиға беғишланған гүлдәстиләрни тәнтәнилик қоюш мәрасими өтти.
Алмута гарнизониниң һәрбий хизмәтчилири, авған урушиниң ветеранлири, қуруқлуқ әскәрлири һәрбий институтиниң вә радиоэлектроника вә алақә һәрбий-инженерлиқ институтиниң курсантлири, “Киров” һәрбий-вәтәнпәрвәрлик клубиниң әзалири һәм шәһәр турғунлири қаза болған қазақстанлиқларни хатириләш үчүн кәлди. Мәрасим Қазақстан Җумһурийити десант-һуҗум қилиш әскәрлириниң қоманданлиғи тәрипидин уюштурулди.
Шуни әскә селип өтимизки, Авғанстандики урушқа 22 миңдин ошуқ қазақстанлиқ қатнашқан. Һазирқи күндә пәқәт Алмутидила авған урушиниң икки миңдин ошуқ қатнашқучиси яшайду.