• Онлайн-әнҗуман
• 17 Ақпан, 2021

Журналистлар баш қошти

Шәмшидин АЮПОВ, 
«Уйғур авази»
Өткән һәптидә «Қоғамдық келісім» җумһурийәтлик дөләт мәһкимиси мудириниң орунбасари Константин Харламовниң вә миллий әхбарат васитилири вәкиллириниң қатнишиши билән иш җәриянидики мәсилиләрни муһакимә қилиш мәхситидә онлайн-учришиш болуп өтти. 
Жирақтин баш қошуш җәриянида әхбарат билән тәминләш, миллий әхбарат васитилири вәкиллиригә вебинарлар өткүзүш мәсилилири вә келәчәктә мошу йөнилиштә атқурулидиған ишлар муһакимә қилинди. 
Учришишқа «Turkel» хәлиқара гезитиниң баш муһәррири Рамиз Мешедигасанлы, «Огни Алатау» гезитиниң мухбири Эмиль Курбанов, «Deutsche Allgemeine Zeitung» (DAZ) җумһурийәтлик немис гезитиниң муһәррири Олеся Клименко, «Ahiska» түрк этномәдәнийәт мәркизиниң хадими Айнагүл Толеутаева, «Коре Ильбо» җумһурийәтлик корей гезитиниң баш муһәррири Константин Ким, «Казачий курьер» җумһурийәтлик гезитиниң баш муһәррири Михаил Киндалев вә мәзкүр қурларниң муәллипи қатнишип, сөз болуватқан мәсилиләр әтрапида өз ой-пикирлири билән ортақлашти.