• Йеңилиқлар
  • 17 Ақпан, 2021

Депутатларға әмләткә селинди

Йеқинда 5-шәһәрлик клиникилиқ ағриқханисида Алмута шәһәрлик мәслиһәт депутатлириға таҗсиман вирусиға қарши әмләткә селинди. Тәкитлинишичә, мәслиһәт кативи Станислав Канкуровқа, депутатлар Асия Ақанова вә Ақбөпе Абылқасимоваға Қазақстанда ишләп чиқирилған “Спутник V” әмләткиси селинди.
Мәслиһәт депутатлири дәсләп врачларниң тәкшүрүшидин өтүп, анализларни өткүзди. 
“Өзәмни яхши сезиватимән. Биринчи новәттә вакцинини алғиним үчүн роһий қанаәтлиниш һис қиливатимән. Вакцинидин зәрдап чекишкә қариғанда таҗсиман вирусни жуқтуруш тавакәлчилиги үстүнирәк. Шуниң үчүнму мән ишәшлик әмләткә салғузушқа бардим”, дәйду С.Канкуров.
Мәслиһәт мәтбуат-хизмитиниң хәвиричә, кәспи бойичә медицина хадими болған депутат Асия Ақанова дәсләпкиләрдин болуп әмләткә салғузди. Қалғанлар бу чаригә ихтиярий асаста қатнишиду.
Мәслиһәт кативиниң сөзичә, депутатлар иҗтимаий тармақлардики “Әмләткини дәсләп депутатлар салғузсун, андин биз” дегән сөзләргә җавап сүпитидә қатнишишни қарар қилған. Улар бу һәрикити билән аммивий әмләткә селишни қоллап-қувәтләйдиғанлиғини көрситиду. 
Хәлиқ вәкиллири новәттики вакцина түркүмини 9-март күни алиду. 

135 рет

көрсетілді

0

пікір
Алдыңғы мақала “Спутник V” рәсмий тиркәштин өтти
Келесі мақала Алмутидики вәзийәт

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

24 Ақпан, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы