• Хуш хәвәр
  • 25 Ақпан, 2021

Радио долқунлирида —уйғурчә аңлитишлар

Мәшүр САСИҚОВ,
“Уйғур авази”

Йеқинда Қазақстан Җумһурийитидә яшаватқан  рус, уйғур, өзбәк, татар, украин,  түрк вә немис миллитиниң вәкиллири үчүн чоң хошаллиқ йүз бәрди. У болсиму, “Қазақ радиосы” долқунлирида, мәлум сәвәпләргә бола, 2017-жили өз паалийитини тохтатқан “Достық” радио лайиһиси қайтидин ишқа қошулди.
Айрим ихтисадий мәсилиләр сәвәвидин өз ишини тохтатқан “Достық” лайиһиси арилиқта үч жил өтүп, йәни Қазақ радиосиға 100 жил толуши мунасивитигә даир у, йәнә радио аңлиғучиларни турақлиқ хошаллиққа бөләватиду. Әлвәттә, бу елимиздә истиқамәт қиливатқан шу этносларниң ана тилини, мәдәнийитини, миллий әнъәнилири вә башқиму қәдрийәтлирини сақлап қелишқа түрткә болидиғанлиғи ениқ. Шундақла лайиһиниң әң асасий мәхсити милләтләрара разимәнликниң қазақстанлиқ үлгисини техиму тәрәққий әткүзүш болуп һесаплиниду.
“Қазақстан телерадиокорпорацияси” акционерлиқ җәмийити мәтбуат хизмитиниң тәкитлишичә, мошу этнослар сан җәһәттин елимиздә көпирәк яшиғанлиқтин, уларниң тилида радио аңлитишларниң болуши, милләтләрара достлуқ, бирлик һәм өмлүкниң сақлинишида муһим роль атқуридиғанлиғи шүбһисиз. Йәттә тилда берилидиған программиларниң әһмийити зор дәп ейтишқа толуқ асас бар. Чүнки берилгән шу 10 минутниң өзи хәлиқни вәтәнпәрвәрлик вә милләтпәрвәрлик роһта тәрбийиләп, башқа хәлиқләрниң мәдәнийитини һөрмәтләшкә һәм улар билән иҗил-инақлиқта яшашқа үгитиду. Әнди вақит мәсилисигә кәлсәк, келәчәктә уни йәниму узартиш планимиз йоқ әмәс. 
Ушбу лайиһә даирисидә һәр һәптиниң дүшәнбә күни уйғурчә аңлитишлар үчүн бәлгүләнди. У “Қазақ радиосиниң 101 FM” долқунида, саат 16:40та  башлиниду. Программини мошу саһада узун жиллиқ тәҗрибигә егә, талантлиқ журналист Гүлҗамал Әмәтбақиева жүргүзиду. Аңлитишларда асасән Қазақстан уйғурлириниң һаятидин учур-йеңилиқлар, Қазақстан хәлқи Ассамблеяси тәрипидин елип бериливатқан паалийәтләр тоғрилиқ әхбаратлар берилиду.
 

 

370 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы