• "30 Тәуелсіздік жылдары"
  • 25 Ақпан, 2021

Көп қирлиқ Хуршидәм

Ахирқи вақитларда Хуршидәм Һезимованиң қәлимигә мәнсүп актуал мавзуларға йезилған мақалилар оқурмәнлиримизниң зор қизиқишини ойғитип, гезитимизға йеңичә аваз қошуватиду. Һәқиқитигә кәлсәк, психология саһаси бойичә уйғур тилида йезилидиған әмгәкләр интайин аз. Бүгүн мана мошу бошлуқниң орнини толтуруш үчүн тиришчанлиқ көрситиватқан муәллиплиримизни гезитханларға тонуштуруш мәхситидә қолумизға қәләм алдуқ. 

Сабирәм ӘНВӘРОВА,
«Уйғур авази»

Мустәқилликниң тәңтуши Хуршидәм Һезимова 1991-жили Алмута вилайитиниң Панфилов наһийәсидики Төвәнки Пәнҗим йезисида дунияға кәлди. Дәсләп шу йезидики оттура мәктәптә билим алған. 2010-жили Яркәнт гуманитарлиқ-техникилиқ колледжиниң (бурунқи Яркәнт педагогикилиқ колледжи) филология факультетини әла баһаларға тамамлап, андин Алмута шәһиридики «Қайнар» университетиниң педагогика-психология факультетида тәһсил көрди. 
Хуршидәм Үмүтҗанқизи университетта оқуп жүрүп, мәктәптә муәллим, кейин «Мир» нәшриятида техникилиқ муһәррир болуп ишләйду. Қизиқиши түпәйли, өз хаһиши билән дизайнерлиқниму үгинип чиқиду. Заманға лайиқ давамлиқ издиниш, үгиниш үстидә жүридиған яш мутәхәссис бүгүнки күндә бир әмәс, бирнәччә кәсипни қатар елип маңмақта. 
У 2016-жилдин та бүгүнки күнгичә Алмута шәһиридики 16-дохтурханида психолог болуп ишлимәктә. Шундақла җумһурийәтлик әдәбий-публицистикилиқ, илмий-аммибап «Иҗаткар» журналиниң мәсъул кативи вә техникилиқ муһәррири хизмитини атқуруп, буниңға қошумчә Алмута шәһиридики 26-балилар бағчисида психолог болуп паалийәт елип бармақта. 
Өз саһаси бойичә пат-пат мәхсус курслардин өтүп, тәҗрибә алмаштуруп туридиған у психология саһасиниң «аилә психологияси» вә «суицидология» тармақлириға қизиқидиғанлиғини һәм Луиза Хей, Эрик Берн, Пол Экман қатарлиқ чәт әл психологлириниң әмгәклирини сөйүп оқуйдиғанлиғини ейтти. Келәчәктә ана тилимизда бүгүнки күнниң асасий проблемисиға айланған суицид тоғрилиқ китап чиқиришни арман қилидиғанлиғиниму йошурмиди.
– Гәп вақитта яки яшта әмәс. Әң муһими, инсанниң өз хаһишида. Әгәр киши бир нәрсини чин дили билән берилип қолға алса, һаман көзлигән мәхситигә йетиду, – дәйду Хуршидәм. 
Хизмитидин бөләк иҗадийәт билән шуғуллинип, психологиялик, публицистикилиқ мақалилири билән тонулуп келиватқан яш қәләм саһиби - «Варис» әдәбий-иҗадий бирләшмисиниң әзаси. «Уйғур авазиниң» турақлиқ муәллиплириниң бири. Әдәбиятимизниң җанкөйәри, тәҗрибилик психолог, қабилийәтлик дизайнер Хуршидәм Үмүтҗанқизиниң иш-паалийити яшларға үлгә. Болупму, униң һаят тәризи хизмитидин чарчап яки «иш йоқ» дәп асманға қарап юлтуз санап жүргәнләргә яхши бир мисал болалиса керәк. 
 

212 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы