• Йеңилиқлар
  • 25 Ақпан, 2021

Умумҗумһурийәтлик лайиһә башланди

Мошу дүшәнбә күни “Қазақстандики 100 йеңи исим” умумҗумһурийәтлик лайиһисиниң новәттики мәвсүми башланди.
Елбасы Нурсултан Назарбаевниң тәшәббуси билән 2017-жили башланған “Қазақстандики 100 йеңи исим” лайиһисиниң идеяси қазақстанлиқларға түрлүк регионларда яшаватқан, йеши вә миллити һәрхил болуп, мустәқиллик жиллирида утуқ қазанған ениқ адәмләрниң тарихи тоғрилиқ сөзләп бериштин ибарәт.
Бийил лайиһә давамини тапти – биз диққәткә мунасип йеңи исимларни билимиз. Әхбарат вә җәмийәтлик тәрәққият министрлиги “Қазақстандики 100 йеңи исим — 2021” лайиһисиниң новәттики, төртинчи мәвсүминиң башланғанлиғи тоғрилиқ елан қилди.
– Бийил лайиһә мустәқилликниң 30 жиллиғи шиари астида өтиду вә хәлиқ көпчилиги мустәқил Қазақстанда шәхс сүпитидә шәкилләнгән қатнашқучиларниң әмгигини мунасип баһалиши керәк, – деди әхбарат вә җәмийәтлик тәрәққият министри Аида Балаева.
22-февральдин 15-мартқичә 100janaesim.ruh.kz сайтида медицина, билим, пән вә инновацияләр, экология, мәдәнийәт вә спорт, бизнес, җәмийәт охшаш йәттә номинация бойичә лайиһигә қатнишиш үчүн буйрутма қобул қилиниду. Лайиһигә һәм мәмликәттә, һәм униң сиртида яшаватқан қазақстанлиқлар қатнишалайду. 
Қатнишиш үчүн үмүткарлар 100janaesim.ruh.kz сайтида анкета толтуруши керәк. Қатнашқучи тоғра әхбарат бериш мәҗбурийитини алиду. Әхбарат вә җәмийәтлик тәрәққият министрлигидә тәкитлишичә, мәлуматлар сахтилаштурулған, җүмлидин онлайн-аваз бериш вақтида авазлар қошуп һесапланған әһвалда уюштурғучилар қатнашқучини лайиһидин чиқириветиш һоқуқиға егә.
Буйрутма қобул қилиш аяқлашқандин кейин онлайн-аваз бериш башлиниду. Ғалипларниң бир қисми көрнәклик җәмийәт әрбаплири, мәдәнийәт, спорт вәкиллири вә тиҗарәтчиләрдин тәркип тапқан жюри әзалири тәрипидин таллавелиниду. Бийил уларниң арисида шундақла илгәрки жилларда лайиһидә ғалип чиққанларму бар.
Аваз бериш вақтида нурғун баллға егә болған вә жюри таллавалған қатнашқучилар лайиһә ғалиплири атилиду. 
“Қазақстандики 100 йеңи исим” лайиһисиниң төртинчи мәвсүминиң ғалиплири бийил апрель ейида мәлум болиду. 
 

823 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы