• Хуш хәвәр
  • 10 Наурыз, 2021

Уйғур рәссаминиң исми – Алтун китапта

Йеқинда «Эдельвейс» нәшриятлар өйидин «Қазақстанның Алтын кітабы» нәширдин чиқти. Униңға елимиз тәрәққиятиға муһим төһпә қошуватқан 314 шәхс киргүзүлгән.

Мәшүр САСИҚОВ,
«Уйғур авази»

Китапта тонулған рәссам, Қазақстан Жумһурийити мәдәнийәт саһасиниң әлачиси, Қазақстан Җумһурийити Бәдиий академиясиниң академиги, Қазақстанниң хизмәт көрсәткән әрбаби Әхмәтҗан Әһәтниң исми бар. Демәк, биз хәлқимизниң қедимий тарихини полотнода тәсвирләш арқилиқ бизни дунияға тонутуватқан қандишимиз билән һәқлиқ рәвиштә пәхирлинимиз.
Рәссамниң иҗадий паалийитигә қисқичә тохтилидиған болсақ, у аңлиқ һаятини тәсвирий сәнъәткә беғишлап, асасий мавзу қилип кона Қәшқәр кочилирини таллиғанларниң бири. Графика, гобилен, керамика вә мойбояқ жанрлирида иҗат қилған Әхмәтҗан Әһәтниң әсәрлиридин пәқәт бизниң миллитимизгә хас алаһидиликләрни көрүш мүмкин. Шуңлашқа уларни баһалайдиғанларму йетәрлик. Бу җәһәттин рәссам дунияниң һәр қайси җайлирида көплигән көргәзмиләрни уюштуруп, уйғур миллитиниң кимлигини вә қандақ һаят кәчүргәнлигини башқиларға тонуштуруп кәлмәктә. Шу түпәйли у бүгүнгә қәдәр 5000ға йеқин әсәрниң муәллипи. 
Әхмәтҗан Әһәтниң елимиздиму талай көргәзмилири уюштурулди. Мәсилән, униң өткән жили Нур-Султандики Миллий мирасгаһта уюштурулған көргәзмиси төрт ай давамлашқан. Бизниң рәссам билән болған ихчам сөһбитимиз давамида, у карантин пәйтидә иҗат билән шуғуллинип, жигирмидин ошуқ әсәрни яратқанлиғини тәкитлиди. Әгәр дуниядики эпидимиологиялик вәзийәт бираз яхшиланса, бийилниң өзидә чәт әлләрдә бирқатар көргәзмиләрни уюштуруш нийитиниң барлиғини йошурмиди. 
 

416 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы