• Қазақстан тәуелсіздігіне 30 жыл
  • 31 Наурыз, 2021

Норуз мәйрими билән тәбриклиди

Йолдаш МОЛОТОВ,
«Уйғур авази»

 Норуз мәйрими күнлири Қазақстан Җумһурийити Парламенти Мәҗлисиниң депутатлири вә Қазақстан хәлқи Ассамблеяси яшлар һәрикитиниң лидерлири уруш вә арқа сәп ветеранлирини тәбриклиди.
 Алмута шәһиридә «Сахавәтлик карвини: 30 яхши әмәл» җумһурийәтлик акцияси даирисидә һәм «Metall Prom Group» ширкитиниң рәһбири Долқунтай Абдухелилниң қоллап-қувәтлиши билән хәйрихаһлиқ акцияси өтти. Мәйрәм күнлири ҚХА пидаийлири уруш вә арқа сәп ветеранлирини, фашистларниң концлагерьлириниң камаләт йешиға йәтмигән сабиқ тутқунлирини зиярәт қилди. Мәзкүр акциягә Парламент Мәҗлисиниң депутатлири Юрий Ли вә Вәкил Нәбиев, «Жарасым» җумһурийәтлик яшлар һәрикитиниң рәиси Тимур Жумурбаев, ҚУЯБ рәиси Рустәм Хәйриев қатнашти. 
 Учришишлар давамида ветеранлар өзлириниң һаяти, баштин кәчүргән қийинчилиқ дәвирлири, шу қийинчилиқларға қаримай, хәлиқниң пидакаранә әмгиги һәққидә тәпсилий ейтип бәрди. Униңдин ташқири һазирқи таңда моҗут болуп турған айрим мәиший мәсилиләрму қәйт қилинди. Бу мәсилиләрни һәл қилишни ҚХА пидаийлири өз зиммисигә алди. 
 Акция қатнашқучилири шу күни һәрбий күчләр ветерани Владимир Денисюкни зиярәт қилди. У Улуқ Вәтән урушида анисидин айрилип қалиду. Немис-фашистлириниң концлагерьлирида тутқунда болиду. Уруштин кейин һәрбий училищеға оқушқа чүшиду. 50-жилларниң ахирида Қазақстанға көчүп келиду. У һаятини армиягә беғишлиди, һазир истипадики полковник. Акция қатнашқучилири зиярәт қилған йәнә бир ветеран — Борис Радоман. Балилиқ дәвридә Литвадики үч концлагерьда болиду. Уруштин кейин һәрбий кәсипни егиләп, Эфиопиядики уруш һәрикәтлиригә қатнишиду. Истипаға чиққандин кейин өз билимини, тәҗрибисини яш офицерларға үгәтти. Һазирму һәрбий пәнләр бойичә дәрисликләрни йезиш билән шуғуллинип келиватиду. 
— Бизниң әвлатниң бешидин талай қийинчилиқлар өтти. Уруштин кейинки вәйранчилиқни көрдуқ. Бәзидә озуқ-түлүк йетишмәтти. Бирақ хәлиқниң өмлүги вә достлуғи түпәйли барлиқ қийинчилиқларни йеңип чиқтуқ. Мән мошуни өзәмниң шагиртлириға, яш офицерларға дайим тәкрарлаттим. Биз мошу қәдрийәтләрни сақлап қелишимиз лазим, — дәйду Борис Васильевич сөһбәтара.
 Тәкитләш лазимки, һазир Алмутида концлагерьларни өз көзи билән көргән, фашистларниң зулумлирини тартқан 35 адәм яшаватиду. Уларниң йеши чоң болғачқа, көп җәһәттин ярдәмгә муһтаҗ. ҚХА пидаийлириниң тәшәббуси билән әйнә шу ветеранларға озуқ-түлүк севәтлири тапшурулди. 

164 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы