• Қазақстан тәуелсіздігіне 30 жыл
  • 31 Наурыз, 2021

«Мустәқиллик һәммидин қиммәт»

Мәшүр САСИҚОВ,
«Уйғур авази»

Қазақстан Җумһурийитиниң Президенти Қасым-Жомарт Тоқаев «Мустәқиллик һәммидин қиммәт» намлиқ мақалисида Норуз мәйриминиң қәдир-қиммитини техиму бейитиш үчүн уни 14 ­– 23-март күнлири өткүзүшни тәвсийә қилған еди. Шуниңға бенаән, елимиз даирисидә көплигән чарә-тәдбирләр өтти.
Шуларниң бири — «Ахыска» гезитиниң баш муһәррири Ровшан Мамедоғлиниң тәшәббуси билән Алмута шәһиридә (Гагарин вә Қарасай батыр кочилириниң дохмушида) Алмута шәһәрлик этножурналистлар клубиниң аллеясини бәрпа қилиш болди. Аллеяниң ечилиш мәрасимиға Қазақстан Җумһурийити Мәҗлисиниң депутатлири, җумһурийәтлик мллий аммивий әхбарат васитилириниң вәкиллири вә этномәдәнийәт мәркәзлириниң әзалири қатнашти.
Инсанийәткә йеңи үмүт-ишәнчә вә хуш кәйпият беғишлайдиған Норуз мәйриминиң қәдир-қиммитини чоңқур чүшәнгән мусулман әһли үчүн униң әһмийитиму алаһидә. Мәйрәмни Қазақстанда яшаватқан, бир-бириниң миллий қәдрийәтлирини һөрмәтләйдиған йүздин ошуқ еләтләрму тәшналиқ билән күтиду. Уни дағдуғилиқ нишанлашқа алдин-ала тәйярлиқлар көриду. Мәрасимниң қатнашқучилири, йәни униң модератори ҚХА Рәисиниң орунбасари Закирҗан Кузиев, Қазақстан Җумһурийити Әхбарат вә җәмийәтлик тәрәққият министрлиги йенидики милләтләрара мунасивәтләрни риваҗландуруш комитетиниң рәиси Ғалым Шойкин, Қазақстан Җумһурийити Парламенти Мәҗлисиниң депутати Вәкил Нәбиев, җумһурийәтлик Уйғур этномәдәнийәт мәркизи Алмута шәһәрлик шөбиси рәисиниң орунбасари, меценат Долқунтай Абдухелил вә башқилар Норуз мәйриминиң алаһидиликлиригә вә елимизниң Тунҗа Президенти – Елбасы Нурсултан Әбишоғли Назарбаевниң тәшәббуси билән қурулған Қазақстан хәлқи Ассамблеясиниң паалийити түпәйли қазақстанлиқларниң өмлүги билән достлуғиниң мустәһкәмлигини алаһидә тилға алди. Натиқлар бүгүнки этножурналистлар клубиниң аллеясигә көчәт олтарғузуш тәкливини бәргән «Ахыска» гезитиниң баш муһәррири Ровшан Мамедоғлиға миннәтдарлиқ билдүргәч, нәширниң паалийитигә утуқ тилиди.
Мәрасим ахирида қатнашқучилар аллеягә 30 түп көчәт олтарғузди.

 ***
Шу күни Алмута шәһиридики «Достлуқ өйидә» Қазақстан хәлқи Ассамблеясиниң «30 изгү иш» мавзусида хәйрихаһлиқ акцияси болуп өтти. Мустәқилликниң 30 жиллиғиға вә Норуз мәйримигә беғишлинип, уни җумһурийәтлик Уйғур этномәдәнийәт мәркизи билән «Достлуқ өйи» һәмкарлиқта уюштурди. 
Акциягә иштрак қилғучилардин Қазақстан Җумһурийити Әхбарат вә җәмийәтлик тәрәққият министрлиги Милләтләрара мунасивәтләрни риваҗландуруш комитетиниң рәиси Ғалым Шойкин, Қазақстан Җумһурийити Парламенти Мәҗлисиниң депутати Вәкил Нәбиев, җумһурийәтлик Уйғур этномәдәнийәт мәркизиниң рәиси, Қазақстан хәлқи Ассамблеяси Кеңишиниң әзаси Шаһимәрдан Нурумов, ҖУЭМ Алмута шәһәрлик шөбиси рәисиниң орунбасари, меценат Долқунтай Абдухелил вә ҚУЯБ рәиси Рустәм Хәйриев көпчиликни барчиға хошаллиқ әта қилидиған Норуз мәйрими билән тәбриклиди. Андин улар тәминати төвән вә көпбалилиқ оттуз аилигә һәрбири 40 миң тәңгилик озуқ-түлүк пакетлирини ианә қилди. 
 
 

164 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы