• Әхбаратлар еқими
• 31 Наурыз, 2021

Президент ҚХА сессиясини чақирди

Қазақстан Президенти Қасым-Жомарт Тоқаев Қазақстан хәлқи Ассамблеясиниң жигирмә тоққузинчи сессиясини чақириш тоғрилиқ Буйруқни имзалиди.
«Қазақстан хәлқи Ассамблеясиниң жигирмә тоққузинчи сессияси «Бирлик, течлиқ вә разимәнликтә өткән 30 жил» күн тәртиви билән 2021-жил 28-апрельда Нур-Султан шәһиридә Назарбаев-мәркәздә чақиртилсун», дейилиду һөҗҗәттә.
Дөләт рәһбири Һөкүмәткә ҚХА сессиясини өткүзүшни уюштуруш чарилирини көрүшни тапшурди.
Мәлумки, Қазақстан хәлқи Ассамблеяси – бу дөләт миллий сәяситини ишләп чиқиш вә әмәлгә ашурушқа ярдәм қилидиған консультатив-мәслиһәт оргини. ҚХА Нурсултан Назарбаевниң тәшәббуси билән 1995-жили қурулди. Қазақстан Җумһурийитиниң Тунҗа Президенти Қазақстан хәлқи Ассамблеясини өмүрбойи башқуруш һоқуқиға егә.