Шеирлар
15 Сәуір, 2021

Биллә болуп йеңәйли

Вирус қурғур айлинип,
Зади кәтмәй жүриду.
Келип чиққан җайиға
Техи йәтмәй жүриду.
Аний тапти һәммини,
Нәләрдинду у жуқуп.
Сақланмидуқ биз тайлиқ,
Жуқти уни у уқуп.
Вирус баркән биздә дәп,
Әнсизчилик мәләмдә.
Устаз кәтти бақиға,
Жутни қоюп әләмдә.
Чарисини ейтсиму,
Дохтур бизгә һәр күни.
Инкар қилип биз уни,
Тиңшимаймиз гепини.
Чиқип қалсаң кочиға,
Жүрмәң дәйду маскисиз.
Өйгә келип үз-қолни,
Жуюң дәйду яхши сиз.
Жиғилмайли топ болуп,
Берип тойға, нәзиргә.
Бу ағриқни йәңгичә
Күришәйли биз биргә.
Тиңшап һәр күн дохтурни,
Маска есип жүрәйли.
Сирттин кирип биз өйгә,
Үз-қолларни жуяйли.
Салам-саат рәнҗимәс,
Қол елишмай турайли.
Бу вақитлиқ чарини
Тоғра қобул қилайли.
Сағлам болса жутумиз,
Һәммимизгә яхшиғу.
Аман болса жутумиз,
Яңрап турар нахшиму.