• Әхбаратлар еқими
• 06 Мамыр, 2021

Оқуш жили 25-майда аяқлишиду

Қазақстан мәктәплиридә 2020-2021-оқуш жили 25-майда аяқлишиду. 
Қазақстан Җумһурийитиниң билим вә пән министри Асхат Аймағамбетовниң тәкитлишичә, оқуш жили барлиқ мәктәпләрдә 25-майда аяқлишиду. Бирақ буниңда 19-июньғичә язлиқ мәктәпләр уюштурулиду. Бу ихтиярий характерға егә. Муәллимләр отпускисиниң давамида өзгиришләр йүз бәрмәйду. Педагоглар язлиғи, илгәркидәк, 56 күн дәм алиду. Мошу барлиқ иш һоқуқ даирисидә уюштурулиду. Биз келәр жилиму пандемия ақивәтлирини һесапқа елишимиз лазим. И.Алтынсарин намидики Билим академияси тегишлик түзитишләрни киргүзүши керәк. Биз һечнәрсә болмиғандәк жүрмәслигимиз лазим вә новәттики оқуш жилиға тәйярлинишимиз шәрт, – дәп тәкитлиди министр.