• Әхбаратлар еқими
  • 06 Мамыр, 2021

«Егемен Қазақстан» вә «Казахстанская правда» бирләштүрүлди

«Егемен Қазақстан» вә «Казахстанская правда» гезитлири бирләштүрүлди. Бу тоғрилиқ әхбарат вә җәмийәтлик тәрәққият министри Аида Балаева Facebookтики сәһиписидә язди.
«Бүгүн әхбарат саһасида йәнә бир муһим вақиә йүз бәрди. Икки йетәкчи җумһурийәтлик гезит – «Егемен Қазақстан» вә «Казахстанская правда» бирләштүрүлди вә «Егемен Қазақстан» мустәқил акционерлиқ җәмийити қурулди. Униң рәиси лавазимиға мән мәмликитимиздә тонулған әрбап Дархан Қыдырәлини тайинлидим», дәп язди Аида Балаева.
Министр өткән әсирниң бешида қурулған, 100 жиллиқ тарихи бар гезитларниң аһалини әхбарат билән тәминләш бойичә өзлиригә жүкләнгән вәзипиләрни мунасип орунлиғанлиғини, амма әхбарат технологиялири җошқун тәрәққий етиватқан заманда аммивий әхбарат васитилириниң өзгириши вә йеңилиниши керәк екәнлигини тәкитлиди.
«Икки гезитниң бириктүрүлүши уларниң бириниң өз ишини тохтитидиғанлиғини билдүрмәйду. «Казахстанская правда» гезити өз намини сақлап қалиду. Малийә билән тәминләш давамлишиду. Әң муһими, бу журналистлар иҗадийитигә кашила болмаслиғи керәк. Икки нәширниң әхбарат-идеологиялик йөнилиши бирпүтүн болиду, өзигә җәлип қилиш күчи вә сүпәтлик әхбарат билән тәминләш иқтидари ашиду, дәп ойлаймән», дәп қошумчә қилди әхбарат вә җәмийәтлик тәрәққият министри. 
Редакцияләрдә пәқәт мәмурий ресурслар қисқартилди. Бу иҗадий коллектив кириминиң өсүши вә редакцияләрниң сүпәтлик тәркивини көпәйтиш үчүн имканийәт яритиду.

418 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы