• Әхбаратлар еқими
• 06 Мамыр, 2021

Президент мәслиһәтчиси болуп тайинланди

Қирғизстан Президенти Садыр Жапаров қазақстанлиқ бизнесмен Алмаз Турдуметоғли Ибрагимовни президентниң җәмийәтлик асастики мәслиһәтчиси қилип тайинлаш тоғрилиқ буйруқни имзалиди.
 Алмаз Ибрагимов — Иссиқкөл вилайитидә туғулди. Узақ жиллар мабайнида Қазақстанниң чоң санаәт карханилирида топ-менеджер болуп ишләп, инновациялик лайиһини әмәлгә ашурди.
 Қазақстан ихтисадини тәрәққий әткүзүшкә чоң һәссә қошқанлиғи үчүн Алмаз Ибрагимов «Құрмет» вә «Отан» орденлири билән мукапатланди, у шундақла I вә III дәриҗилик «Барыс» ордениниң, «Еңбек даңқы» бәлгүсиниң һәр үч дәриҗисиниң саһиби, Қазақстан Минерал ресурслар академиясиниң пәхрий академиги вә С.Торайғыров намидики Павлодар дөләт университетиниң пәхрий профессори.