• Әхбаратлар еқими
  • 06 Мамыр, 2021

Ихтисадий һәмкарлиқ программиси имзаланди

Қазақстан Җумһурийитиниң Премьер-министри Асқар Мамин Қазан шәһиригә қилған иш бабидики сәпири даирисидә Россия Федерацияси Һөкүмитиниң Рәиси Михаил Мишустин билән музакириләрни өткүзди.
Тәрәпләр сода-ихтисадий, транспорт-логистика, энергетика, геология саһалирида иккитәрәплимә һәмкарлиқни күчәйтиш, шундақла санаәт кооперацияси, аграр-санаәт комплекси, чегариларара дәрияларниң су ресурслирини теҗәмлик пайдилиниш вә қоғдаш мәсилилирини муһакимә қилди. Евразия ихтисадий иттипақи даирисидики өзара һәрикәтниң муһим мәсилилири қаралди. 
Covid-19 инфекциясиниң тарқилишиға қарши күришиштики бирләшкән чариләргә вә икки мәмликәт ихтисатлири үчүн пандемия ақивәтлирини йениклитишкә алаһидә диққәт ағдурулди. 
Музакириләр йәкүни бойичә Қазақстан Җумһурийити вә Россия Федерацияси оттурисидики 2021 – 2025-жилларға бәлгүләнгән комплекслиқ ихтисадий һәмкарлиқ программиси; «Қазгеология» акционерлиқ җәмийити вә «Росгеология» акционерлиқ җәмийити оттурисида Қазақстан Җумһурийити вә Россия Федерацияси территориялиридә пайдилиқ қезилмилар канлирини геологиялик үгиниш саһасидики һәмкарлиқ тоғрилиқ келишим; Қазақстан Җумһурийити территориясидә углеводород канлирини геологиялик разведка қилиш вә өзләштүрүш бойичә бирләшкән паалийәт саһасидики лайиһиләрни әмәлгә ашуруш нийәтлири тоғрилиқ келишим; «Бутадиен» лайиһисини башқуруш мәсилилири бойичә алдин-ала шәртнамә; «KIDF Management company» Ltd, Россияниң уттур инвестицияләр фонди вә «Mubadala Investment Company» оттурисидики өзара чүшәнчә тоғрилиқ меморандум вә бирқатар башқа һөҗҗәтләр имзаланди.
Асқар Мамин Қазанға қилған сәпири даирисидә Евразия һөкүмәтләрара кеңишиниң мәҗлисигә қатнишип, сөзгә чиқти.

464 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы