- Шеирлар
- 03 Маусым, 2021
Көймәктә Күн
Күнниң тəптидə көймəктə əтрап,
Көлдəк көрүнəр жирақтин сəрап.
Ямғурни күтəр чаңқиған гия,
Тəлмүргəн һалда асманға қарап.
Күнниң тəптидə көймəктə əтрап,
Иштларму ятар угидин марап.
Бир пəскə қушлар сайришин үзүп,
Чөмүлəр көлдə соғ суда яйрап.
Күнниң тəптидə көймəктə əтрап,
Қурут-қоңғузму су издəр ямрап.
Пəқəт адəмлəр кайийду күнгə,
Қайнақ тəптигə аранла чидап.
Көйдүргəн күнниң тонурдəк тəпти,
Синақтур мүмкин бүгүндин башлап.
Түзигəй дəмду нийəт-пəйлини,
Яман иллəтни арқиға ташлап.
Төзгили болар һəммə нəрсигə,
Күнниң иссиғи һечнəрсə əмəс.
Əстə сақлайли ахирəт күни,
Дозақ отидин қутулмақ бəк тəс.
Һасил АБДРИМОВ.
Уйғур наһийәси.
320 рет
көрсетілді0
пікір