- Йеңилиқлар
- 19 Қараша, 2012
Инсан һоқуқи кеңишиниң әзаси болди
Нью-Йоркта болуп өткән БМТ Баш Ассамблеясиниң 67-сессияси даирисидә Бирләшкән Милләтләр Тәшкилатиниң Инсан һоқуқи бойичә кеңишиниң сайлими болуп өтти. Қазақстан Җумһурийитиниң Ташқи ишлар министрлигидә болуп өткән брифингта Хәлиқара әхбарат комитетиниң рәиси — идариниң рәсмий вәкили Алтай Абибуллаевниң хәвәрлишичә, Қазақстан дәсләпки қетим Азия-Теч муһит топидин мошу кеңәшниң әзаси болуп сайланди.
Тәшкилатқа әза 193 дөләтниң 183и Қазақстан намзитини яқлап аваз бәрди. Қазақстан Җумһурийитиниң БМТ билән һәмкарлишиватқан 20 жиллиқ тарихида бу әң жуқури көрсәткүчләрниң бири.
Алған авазлар бойичә бу БМТниң Инсан һоқуқи бойичә кеңишигә әза болған барлиқ 18 йеңи дөләтниң арисида бәшинчи вә Азия-Теч муһит арисида иккинчи көрсәткүч. Кеңәштики бәш орунға мошу топтин Қазақстан, Пакстан, Корея, Япония вә Бирләшкән Әрәп Әмирликлири буйрутма бәрди. Сайланған барлиқ мәмликәтләрниң вакалити 2013-жили 1-январьда күчигә кириду.
БМТниң Инсан һоқуқи бойичә кеңиши 2006-жили 15-мартта тәсис қилинди вә инсан һоқуқини һимайә қилиш саһасида йетәкчи һәм абройлуқ хәлиқара орган болуп, у тегишлик комиссияни алмаштурди. Структура тәркивигә 47 мәмликәт кириду. Униңға әза болуш БМТқа әза дөләтләрниң һәммиси үчүн очуқ болуп, Тәшкилатниң Баш Ассамблеяси әзалириниң уттур һәм йошурун аваз бериши арқилиқ көпчилик аваз билән үч жилға сайлиниду.
Қазақстан Инсан һоқуқи бойичә кеңәшниң ишини қоллап-қувәтләп келиватиду вә шәхс һоқуқи һәм әркинликлирини қоғдаш вә әмәлгә ашуруш саһалирида һоқуқ қоғдаш механизмлири билән һәмкарлиқ қиливатиду. Қазақстан ташқи ишлар министри һәр жили Инсан һоқуқи бойичә кеңәшниң жуқури дәриҗидики сессиялириниң ишиға қатнишиватиду.
Мәмликитимизниң БМТниң мошу чоң һоқуқ қоғдаш структурисиға сайлиниши Қазақстанниң инсан һоқуқини вә әркинлигини изчил күчәйтиш, һимайә қилиш мәсилилиридики илгирилишини етирап қилиш, шундақла мошу саһадики паал хәлиқара һәмкарлиқ тәрәпдари екәнлигиниң ярқин испати болуп һесаплиниду.
Қазақстан БМТниң Инсан һоқуқи бойичә кеңишиниң әзаси сүпитидә мошу структуриниң абройини вә нәтиҗидарлиғини күчәйтиш нийитидә.
Шуни тәкитләш керәкки, 2012-жили 17-январьда Бирләшкән Милләтләр Тәшкилатиниң штаб-квартирисида болуп өткән сайлам йәкүни бойичә Қазақстан Җумһурийити Мәркизий сайлам комиссиясиниң әзаси Марат Сәрсенбаев мошу жилниң ахириғичә БМТниң Инсан һоқуқи бойичә комитетиниң тәркивигә сайланған еди.
512 рет
көрсетілді0
пікір
