- Йеңилиқлар
- 23 Қараша, 2012
Тәбрик телеграммисини әвәтти
Өткән пәйшәнбә күни Дөләт рәһбири Нурсултан Назарбаев Си Жиңпинға униң Хитай Коммунистик партияси Мәркизий комитетиниң Баш кативи лавазимиға сайлиниши мунасивити билән тәбрик телеграммисини әвәтти.
Нурсултан Назарбаев Си Жиңпинни Баш катип болуп сайлиниши билән тәбриклиди вә партияниң йеңи Баш катип рәһбәрлигидә Хитайни иҗтимаий-ихтисадий тәрәққиятниң йеңи чоққилириға елип чиқидиғанлиғиға һәм мәмликәтниң хәлиқара мәйдандики жуқури абройини күчәйтидиғанлиғиға ишәнчә билдүрди.
Дөләт рәһбири Қазақстан билән Хитай оттурисидики стратегиялик шерикликниң әһмийәтлик екәнлигини тәкитлиди вә дөләтләр ара алақиларниң буниңдин кейинму изчил мустәһкәмлинидиғанлиғиға үмүт билдүрди.
— Хитай Қазақстанниң достанә хошниси вә муһим стратегиялик шериги болуп һесаплиниду. Мәмликәтлиримиз оттурисидики өз ара пайдилиқ һәмкарлиқниң буниңдин кейинму хәлиқлиримизниң паравәнлигини тәминләш үчүн җошқун риваҗлинидиғанлиғиға ишәнчим камил, — дәп тәкитлиниду телеграммида.
Нурсултан Назарбаев Хитай Коммунистик партияси Мәркизий комитетиниң Баш кативини Қазақстанға дөләт сәпири билән келишкә тәклип қилди.
504 рет
көрсетілді0
пікір