- Йеңилиқлар
- 23 Қараша, 2012
Шри-Ланка Президенти Қазақстанға кәлди
Сешәнбә күни Президент Нурсултан Назарбаев Қазақстанға дөләт сәпири билән кәлгән Шри-Ланка Демократик Социалистик Җумһурийитиниң Президенти Махинда Раджапакса билән учрашти.
Дөләт рәһбири кәсипдишини қобул қилип, бу қетимқи сәпәрниң чоң әһмийәткә егә екәнлигини тәкитлиди.
Музакириләр давамида хәлиқара сәясәт мәсилилири муһакимә қилинди.
Шри-Ланка Президенти мәмликитимизгә дөләт сәпири билән келиш шараитиниң яритилғанлиғи үчүн миннәтдарлиқ билдүрди вә бүгүнки таңда дөләтләр ара мунасивәтләрниң изчил кәңийиватқанлиғини тәкитлиди. Мәсилән, кейинки жилларда икки мәмликәт оттурисидики товар айлиними 60 пайиз көпәйди вә истиқбалда уни техиму көпәйтиш имканийәтлири моҗут. У шундақла икки мәмликәтниң сода-ихтисадий мунасивәтләрни техиму тәрәққий әткүзүш, уттур чәт әл инвестициялирини җәлип қилиш бойичә чоң ихтидарға егә екәнлигини тилға алди.
Махинда Раджапакса Нурсултан Назарбаевни өз мәмликитигә дөләт сәпири билән келишкә тәклип қилди.
Шу күни Астанада Қазақстан вә Шри-Ланка бизнес-форуми өткүзүлүп, униңдиму өз ара һәрикәтниң йеңи саһалири бәлгүләнди. Униңдин ташқири, икки дөләт рәһбири музакирилириниң йәкүни бойичә бир қатар келишимләр имзаланди.
468 рет
көрсетілді0
пікір
