- Йеңилиқлар
- 07 Желтоқсан, 2012
Тәғдиримни өзгәрткән «Уйғур авази»
Бу вақиә мошуниңдин он жил илгири йүз бәргән еди. Яз айлириниң биридә Яркәнт шәһиридә қаттиқ боран чиқип, йоған бир дәрәқ өйүмизниң үстигә ғулап чүшти. Бәхиткә яриша, аилимиз әзалириниң һеч қайсиси зәрдап чәккини йоқ. Амма өйүмиз карға яриғусиз һаләттә қалди. Бу әһвал уруш вә әмгәк ветерани болған атам Ғулам Сонуровниң бешини төвән саңгилатти. Һелиму ядимда, шу вақитта бизгә хошнилар биринчиләрдин болуп ярдәмгә келип, һалимиздин хәвәр алди. Хаталашмисам, Турғанҗан ака Әйсаров дәсләпкиләрдин болуп маддий җәһәттин ярдәм көрсәтти. Шу вақиттики Яркәнт шәһириниң һакими Мурат Хизмәтов, наһийәлик Уйғур этномәдәнийәт мәркизиниң вәкиллири өйүмизни өз әслигә кәлтүрүш үчүн нурғун ишларни әмәлгә ашурди.
Кейин бу вақиә һәққидә «Уйғур авази» гезитида қисқа әхбарат йоруқ көрди. Әтисила өйүмизгә «Уйғур авази» гезитидин оқудуқ», дәп кәлгүчиләр көпәйди. Һәр ким чамисиниң йетишичә халисанә ярдимини көрсәтти. Дадам рәмити уларниң һәр биригә рәхмитини ейтатти, болупму униң «Уйғур авази» гезитиға болған миннәтдарлиғи чәксиз еди. Әгәр у һаят болса, бу мақалә, бәлким башқичә йезилатти. Бешидин хелә иссиқ-соғни өткүзгән атимиз һәр дайим бизгә: «Әхбарат васитиси наһайити қудрәтлик күчкә егә. Биз, уйғурларда, шундақ бирла күчлүк қурал бар. У — «Уйғур авази» гезити», дәп несиһәт қилидиған. Биз атимизниң ейтқанлирини һеч қачан йәрдә қоймаймиз. «Уйғур авази» — бизниң садиқ достумиз.
Толик СОНУРОВ.
Яркәнт шәһири.
440 рет
көрсетілді0
пікір
