- Йеңилиқлар
- 07 Желтоқсан, 2012
Йеңи жил арчилири орнитилди
Өткән җүмә күни «Ақорда» резиденцияси алдидики мәйданда егизлиги 25 метрни тәшкил қилидиған мәмликәтниң баш Арчисида чирақларни яндуруш мәрасими болуп өтти.
Тәнтәнигә төрт миңға йеқин бала қатнашти. Улар үчүн мәхсус программа тәйярлинип, у «Қар карнавали» хореографиялик композицияси билән ечилди. Бу программиға әң яхши хореография вә цирк коллективлиридин 300гә йеқин адәм җәлип қилинди.
Андин кейин сәһнигә Қиш бовай вә униң ярдәмчиси — Лондонда болуп өткән ХХХ язлиқ олимпиада оюнлирида аяллар бокси бойичә бронза медалиға сазавәр болған Марина Вольнова чиқип, Арча чирақлирини яндурди.
Арча чирақлирини яндуруш мәрасимиға пайтәхт һакими Иманғали Тасмағамбетов билән билим вә пән министри Бақытжан Жумағулов қатнашти.
Барлиғи болуп пайтәхттә 37 Йеңи жил арчиси орнитилди.
***
Йеңи жил арчиси җәнубий пайтәхт — Алмута шәһиридики Җумһурийәт Сарийи алдиғиму орнитилди. 18 метрлиқ орман гөзили һәр бири 2013-жилниң қәдәм тәшрип қилишини билдүридиған йүзлигән оюнчуқлар билән безәндүрүлди.
Бу күни шәһәргә қарниң наһайити қелин яққиниға қаримай, миңлиған турғун йеңи жиллиқ мәйрәмләр мәвсүмини ечиш үчүн Сарай алдидики мәйданға жиғилди. Йеғиватқан қар болса, мәрасимға алаһидә тилсим кәйпият бәхш әтти.
Йеңи жил арчисидики чирақларни яндуруш мәрасимиға шәһәр һакими Ахметжан Есимов қатнашти.
Тәнтәниниң ахирида алмутилиқлар билән шәһәр турғунлири Қазақстан эстрада юлтузлириниң, балилар вә өсмүрләр коллективлириниң мәйрәмлик концертиниң шаһиди болди.
Җәнубий пайтәхттә униңдин ташқири, йәнә йәттә арча орнитилди.
474 рет
көрсетілді0
пікір
