• Йеңилиқлар
• 14 Желтоқсан, 2012

Яшлар — келәчигимиз

Йеқинда Астанада өткән «Жас Отан» Яшлар қанитиниң иккинчи қурултийиға Уйғур наһийәсидин паалийәтчанлиғи билән тонулуватқан «Жас Отан» Яшлар қанитиниң әзалири Гүлсәнәм Алаева, Дарын Мухамеджанов, Берикбай Атагелдиев вә Мөлдир Қурманалиева қатнашти. — Биз, қазақстанлиқ яшлар, елимиз келәчиги үчүн әстаидил әмгәк қилишимиз керәк, — дәйду қурултай иштракчилириниң бири, яш устаз Дарын Мухамеджанов. — Бүгүнки таңда дөлитимиз тәрәққиятниң йеңи басқучида туриду. Кәлгүсидә бу җәриянниң утуқлуқ болуп, әң илғар мәмликәтләр қатаридин көрүнүшимиз үчүн яшларму өз үлүшини қошуши зөрүр. Шуниң үчүнму Дөләт рәһбири яшлар сәяситигә жуқури әһмийәт билән яндишип, бизниң билимлик вә салаһийәтлик мутәхәссисләрдин болуп йетилишимизни диққәт мәркизидә тутмақта. Һәр биримизниң бәхит қучқумиз келиду. Һә, бәхиткә пәқәт билим вә әмгәк арқилиқ йетишимиз мүмкин. Шуңа бепаян елимизни маканлиған барлиқ хәлиқләрниң достлуғи билән бирлигини туғ қилип, Милләт Лидериниң биз, яшларға, артқан үмүт вә ишәнчисини ақлашқа тиришимиз. «Қуш қанити пәрвазда қатиду» дегинидәк, «Жас Отан» Яшлар қанитиму бүгүнки күндә «Нур Отан» ХДПниң ишәшлик ярдәмчиси сүпитидә елимизниң тәрәққияти йолида өзигә жүкләнгән вәзипиләр һөддисидин шәрәплик чиқиватиду. Әнди биз гәп қиливатқан қурултайда йәкдиллиқ билән қобул қилинған йеңи стратегия болса, Яшлар қанити һәрикитигә муһим вә муқум вәзипиләрни жүклимәктә. Бу пәқәт узақ қәрәллик мәхсәт-муддиалиримизниң декларациясила әмәс, бәлки дадил қәдәмлиримизниң иш-реҗилиридур.

Махмут ИСРАПИЛОВ.

Уйғур наһийәси.